60-ամյա Շերոն Սթոունը, ի հակադրություն վառ ու գույնզգուն հանդերձանք ընտրող այլ աստղերի, ներկայացել է սեւ ու սպիտակ գույների դասական համադրությամբ լուքով:
«Հիմնական բնազդ»-ի աստղին տեսախցիկները ֆիքսել են Լոս Անջելեսի օդանավակայանում, որտեղ նա սիրով ձեռքի շարժումով ողջունել է լուսանկարիչներին ու լուսանկարվել:
Դերասանուհին ներկայացել է սպիտակ ջինսե տաբատով, սեւ V-աձեւ կտրվածք ունեցող բլուզով: Սեւ կաշվե բաճկոնը եւ սպիտակ մեծ պայուսակը ամբողջացրել են հոլիվուդյան աստղի առօրյա կերպարը: Շերոն Սթոունի այս ընտրությունը խոսում է այն մասին, որ անկախ համաշխարհային աստղ լինելուց, շատ կարեւոր է պահպանել հարմարավետությունը, հետեւել սեփական զգացողություններին:
Հիշեցնենք, որ վերջերս աստղին «բռնացրել էին» երիտասարդ սիրեցյալի հետ Մայամիում: Դերասանուհուն նկատել էին լողափին տեղի պապարացիները: Նա երջանիկ տեսք էր ունեցել:
Աղբյուրը՝ Daily Mail
Լուսանկարները ՝ Backgrid, EastNews