Քիմ Քարդաշյանը՝ կողոպուտից երկու տարի անց Փարիզ վերադառնալու մասին

Քիմ Քարդաշյանն ու Քանյե Ուեսթը օրերս Փարիզ են ժամանել՝ Louis Vuitton ցուցադրությունն այցելելու համար։ Հավաքածուն ներկայացնում էր Քանյե Ուեսթի արթ տնօրեն Վիրջիլ Աբլոն, որը 2018-ի մարտին զբաղեցրել է Louis Vuitton տղամարդկանց հագուստի կրեատիվ տնօրենի պաշտոնը։

Լրագրողները հասցրել են 37-ամյա հեռուստաաստղին հարցնել, թե ինչ է նա զգում՝ հաշվի առնելով, որ երկու տարի առաջ Փարիզում Նորաձեւության շաբաթվա ընթացքում Քիմին կողոպտել էին հենց հյուրանոցի համարում, նրանից գողանալով 8 մլն եվրոյի զարդ։

Հայուհին նրանց շոուի ժամանակ չի պատասխանել, բայց քիչ ավելի ուշ իր կայքում Քիմը մի քիչ պատմել է այն մասին, թե ինչ է զգացել տեղի ունեցածից երկու տարի անց Փարիզ ժամանելուց։

Լուսանկարներ՝ REX, Shutterstock, Getty

«Շատ զգացմունքային ճամփորդություն էր։ Ես շատ հանգիստ էի, քանի որ փորձս ինձ ստիպում է շատ բաների այլ դիտակետից նայել։ Զուտ հոգեպես ինձ համար բարդ չէր, նույնիսկ ինչ-որ չափով թարմանում ես, երբ առերեսվում ես քո վախին։ Ես անիմաստ եմ համարում մշտապես դեպրեսիվ վիճակում գտնվելը, ես միշտ առաջ եմ գնում; Ես իմ մանտրան ունեմ՝ զգա ու անցիր առաջ»,- նշել է Քիմը։