Բարբադոսի գեղեցկուհի Ռիհաննան վերջերս բավականին զբաղված էր «Օոուշենի ութ ընկերուհիները» ֆիլմի շրջանառությամբ: Ֆոտոխցիկները հազվադեպ էին նրան ֆիքսում զբոսանքի ժամանակ: Այնուամենայնիվ, երգչուհին լուսավորեց Լոնդոնյան երեկոն իր զբոսանքով:
Մարմինն ընդգրկող սեւ, առանց թեւքերի զգեստը, կարծես, տեղն էր դնում բոլոր նրանց, ովքեր բացասական էին արտահայտվում աստղի կազմվածքի վերաբերյալ: Շատերը վերջերս երգչուհուն գիրուկ էին համարում:
Փոքրիկ ականջօղերը, վերջերս շատ նորաձեւ համարվող թափանցիկ հատվածով բարձրակրունկ սանդալները, դասական եւ էլեգանտ կարմիր շրթներկը լրացնում էին գեղեցկուհու երեկոյան լուքը: Երևում է՝ Ռիհաննան իրեն լավ ու բավականին ինքնավստահ է զգում իր «նոր» մարմնում:
Հիշեցնենք, որ ռեժիսյոր Գերի Ռոսսի «Օոուշենի ութ ընկերուհիները» ֆիլմի պրեմիերային Ռիհաննան ներկայացել էր ամբողջովին ոսկեգույն հագուստով՝ միանգամից գրավելով լուսանկարիչների ու լրագրողների ուշադրությունը։
Աղբյուրը՝ Daily Mail
Լուսանկարները՝ Vantagenews