Ամառային բլից հարցումների շարքն այս անգամ շարունակում ենք՝ բացահայտելով սերիալներից եւ սիթքոմներից հայտնի դերասանուհի Սիլվի Բարկովայի ամառային ծրագրերը, նախընտրելի հանգիստն ու սիրելի վայրերը:)
Ահա, թե ինչ ստացվեց արդյունքում:)
Սիլվի, սիրո՞ւմ ես ամառը:
Ոչ, ես ամառը չեմ սիրում, կամ այնքան էլ չեմ սիրում՝ շոգից առաջացող բազում հիգիենիկ եւ ինքնազգաղոցության վատթարացման պատճառներով: Իմ եղանակը ձմեռն է:
Ամառային նախընտրելի հանգիստը:
Կապ չունի՝ որ երկրում, կարեւորը լինի լողավազանային հանգիստ:
Ինչպե՞ս ես սովորաբար հանգստանում ամռանը:
Ամեն տարի՝ տարբեր կերպ:) Ավանդույթ դարձած ոչինչ չկա:
Ինչպե՞ս ես պաշտպանվում տապից:
Մեր տանը շատ հով է:)
Տրամադրության վրա շոգն ազդո՞ւմ է:
Այո՝ բացասաբար:
Ամենադրական հիշողությունը կապված ամռան հետ:
Փոքր տարիքում դպրոցական արձակուրդներն էին: Իսկ կոնկրետ դեպք հիմա դժվարանում եմ հիշել:
Ինչպե՞ս էիր անցկացնում դպրոցական արձակուրդներն ամռանը:
Իմ մորաքույրը մեր ամառը հեքիաթ դարձնելու մեծ վարպետ էր: Նա մեզ կամ ծով էր տանում, կամ քաղաքից դուրս եւ գնում էր այն ամենը, ինչ ցանկանում էինք: Գնում էինք այն սրճարանները, որը մենք էինք նախընտրում, երբեք մեզ «չէ» չի ասել:
Երկիր կամ քաղաք, որտեղ երազում ես հանգստանալ:
Ձմռանը՝ Շվեյցարիայում (ավելի կոնկրետ՝ Ժնեւ), Նյու Յորքում, իսկ ամռանը՝ Բալի, Հավայան կղզիներ…
Երկիր, որը խորհուրդ կտաս այցելել մյուսներին:
Բրազիլիա եւ Գոա:
Ինչպե՞ս ես պլանավորում անցկացնել այս ամառը:
Ժամանակավոր գաղտնիք է:)
Սյունե Առաքելյան
Լուսանկարները՝ Սիլվի Բարկովայի Facebook-ի էջից