«Վատ տղաների հետ կապված միակ վատ բանն այն է, որ դու գիտես՝ երբեք չես ամուսնանա վատ տղայի հետ». Արիանա Գրանդեն նշում է 25-ամյակը
15:05 26 հունիսի, 2018Այսօր՝ հունիսի 26-ին, ծննդյան 25-ամյակն է նշում ամերիկացի հայտնի երգչուհի, դերասանուհի, դեռահասների կուռք Արիանա Գրանդեն:
Շատերը դերասանուհուն սկսեցին ճանաչել «Հաղթող Վիկտորիան» եւ «Սեմն ու Քեթը» հայտնի սերիալների շնորհիվ, սակայն նախքան այս երկու ֆիլմերում նկարահանվելը՝ Արիանան հանդես էր գալիս «13» մյուզիքլում:
Գրանդեի երաժշտական կարիերան սկսվել է 2011 թ-ին: Այդ տարի նա պայմանագիր կնքեց Republic Records աշխարհահռչակ ստուդիայի հետ:
Հմայիչ արտաքինով դրական երգչուհուն այսօր ցանկանում ենք ներկայացնել՝ վերհիշելով նրա հետաքրքիր մտքերից մի քանիսը:
«Երջանիկ եղիր ինքդ քո մարմնի մեջ, սիրիր թերություններդ եւ իմացիր՝ դու նույնքան կատարյալ ես, որքան բոլորը»:
«Երբեք մի կասկածիր սեփական ուժերիդ վրա եւ մի վատնիր ժամանակդ: Կյանքն այնքան կարճ է, իսկ դու այնքան հատուկ»:
«Ոչինչ այնքան շատ կալորիա չի այրում, որքան բարձրակրունկների վրա պարելը: Փորձեք անպայման»:
«Հաճախ մարդիկ այնքան են սիրում դատել նրանց, ովքեր իրենցից տարբեր են, որ այսօր երիտասարդներից շատերը դժվարությամբ են հարմարավետություն գտնում՝ շարունակելով լսել մարդկանց կարծիքները»:
«Երաժշտությունն, իսկապես, ղեկավարում է իմ ամբողջ կյանքը»:
«Աղջիկների համար ամենակարեւոր բանը հենց իրենց սիրելն է եւ իրենց իսկ մարմնին հարգանքով վերաբերվելը»:
«Մեդիտացիան հրաշալի միջոց է, որով մարմինս միշտ կենտրոնացած եմ պահում նկարահանումների եւ ձայնագրությունների խելահեղ ընթացքի մեջ»:
«Այնքան շնորհակալ եմ համացանցին, որի շնորհիվ դերասաններն ու երգիչներն ավելի կապված են լինում իրենց երկրպագուների հետ, ինչն ինձ համար յուրահատուկ բան է»:
«Ես երազել եմ զբաղվել երաժշտությամբ, երբ դեռ 3-4 տարեկան էի»:
«Վատ տղաների հետ կապված միակ վատ բանն այն է, որ դու գիտես՝ երբեք չես ամուսնանա վատ տղայի հետ»:
Լուսանկարները՝ Արիանա Գրանդեի Facebook-ի էջից