Երեւանյան ազդ․ ու՞ր գնալ եւ ի՞նչ անել հուլիսյան այս տապին

11:33   2 հուլիսի, 2018

Շոգն անտանելի է դառնում, ֆուտբոլի աշխարհի առաջնությունը մեր սրտերում է եւ NEWS. am STYLE-ը խորհուրդ է տալիս հաճախ Երեւանում երեկոյան զբոսանքի դուրս գալ, Փառք Աստծո ամբողջ քաղաքով կան բաց ֆուտբալսերների համար նախատեսված վայրեր՝ մեծ էկրաններով եւ հարմարավետ նստատեղերով, այնպես որ բոլոր հարմարությունները ստեղծված են, որպեսզի վայելեք ֆուտբոլային խաղերը: Իսկ, եթե դուք ֆուտբոլի երկրպագու չեք, ապա երեկոն կարող եք վայելել Սարյան կամ Աբովյան փողոցներում կան շատ լավ վայրեր:

Եվ այսպես, ամենակարեւորը, մենք չենք ասում երբ, որպեսզի դա լինի անակնկալ, բայց շատ շուտով Վարդավառն է: Պատրաստվեք)))):

Այսօր մեկնարկում է Արմենիա երաժշտական փառատոնը, ամբողջ շաբաթվա ընթացքում Արամ Խաչատրյանի անվան մեծ համերգասրահում յոթ երեկո Ձեզ հրավում են՝ Դենիս Կոժուխինը (դաշնամուր), Նիկոլայ Զնայդեր (ջութակ), Աննա Ալգատովա (սոպրանո), Աննա Ուլաեւա (դաշնամուր), Պոլինա Օսետինսկայա (դաշնամուր): Տոմսերի արժեքը՝ 2000դրամից՝ 7000դրամ:

Հուլիսի 4-ին՝ Հայաստանում ֆրանկոֆոնիայի տարվա շրջանակներում՝ ֆրանսիական երաժշտության համերգ: Ցերեկվա ժամը 1-ից մինչեւ 4-ը՝ Սիրահարների այգում Ձեզ սպասվում է լավ երաժշտություն:

 



© NEWS.am STYLE