Ամերիկացի հայտնի դերասանուհի, երգչուհի, երգերի հեղինակ, մոդել եւ դիզայներ Լինդսի Լոհանն այսօր՝ հուլիսի 2-ին, նշում է ծննդյան 32-ամյակը:
Որպես մոդել՝ Լինդին հանդես էր գալիս դեռեւս 3 տարեկանից: 10 տարեկան հասակում Լինդսին արդեն նկարահանվում էր հեռուստասերիալներում:
Նրան մեծ ճանաչում բերեց «Ծուղակ` ծնողների համար» կատակերգությունը, որտեղ փոքրիկ դերասանուհին փայլուն մարմնավորում էր գլխավոր հերոսուհիներին` երկվորյակ քույրեր Էննիին եւ Հոլլիին:
Բայց ինչպես եւ բազմիցս ապացուցվել է` վաղ հասակի հայտնիությունը ոչ միշտ է դական ազդում երեխաների վրա: Հասունանալով` Լինդսին ամբողջովին խորասուզվում է աստղային սկանդալների մեջ:
Նրան բազմիցս ձերբակալել են ոչ սթափ վիճակում ավտոմեքենա վարելու եւ թմրանյութեր օգտագործելու համար:
Անկանոն ապրելակերպի պատճառով 2007 թ-ին Լինդսիի կարիերան մղվեց երկրորդ պլան: Սակայն միշտ դրական հերոսուհիների մարմնավորող դերասանուհին համախմբեց ուժերն ու պայքարեց աստղային հիվանդությունների դեմ:
Շուտով Լինդսին վերադարձավ կինոյի աշխարհ՝ 2008 թ-ին նկարահանվելով «Հիմարկը», իսկ 2009-ին` «Մաչետե» ֆիլմերում:
Այսօր վերհիշել ենք կարմրահեր աղջնակի ամենահայտնի մեջբերումներից մի քանիսը.
«Յուրաքանչյուր-ոք ունենում է եւ վերելքներ, եւ վայրէջքներ, որոնցից պետք է դասեր քաղի, բայց ամեն առավոտ ես արթնանում եմ՝ ինքս ինձ ասելով. «Սա հրաշալի օր է լինելու»»:
«Կյանքը լի է ռիսկերով… ինչո՞ւ դրանց չդիմել»:
«Երբեք մի ասեք «երբեք»: Հաճախ այն, ինչ չենք պլանավորում, ամենահետաքրքիր իրադարձությունն է դառնում մեր կյանքի: Ես շատ անկանխատեսելի անձնավորություն եմ»:
«Գիտեմ, որ նախկինում ես երիտասարդ էի եւ անպատասխանատու, բայց հենց դա է նշանակում մեծանալ: Դու քո սեփական սխալներից ես սովորում»:
«Դժվարությունները հաղթահարելու ճանապարհ միշտ էլ կա, եւ դա ավելի առողջ քայլ է, քան հանձնվելը»:
«Գեղեցկությունը նրբագեղության եւ ինքնավստահության մեջ է: Ես սովորել եմ գնահատել այն, ինչ բնությունն է պարգեւել ինձ»:
«Եթե ինձ մյուս ընկերներիս հետ համեմատեք, ես հրեշտակ կթվամ»:
«Ավելի շատ ասեք «ոչ», քան «այո» եւ համոզվեք, որ շրջապատված եք լավ մարդկանցով»:
«Եթե ես, իսկապես, հանդիպեի այդքան շատ մարդկանց հետ, որքան ինձ վերագրում են, ապա հիմա մեռած կլինեի, քանի որ դա, ուղղակի, անհնար է»:
«Ես իմ ամենամեծ թշնամին եմ»:
Լուսանկարները՝ Լինդսիի Facebook-ի էջից