Փարիզի նորաձեւության շաբաթվա շրջանակում տեղի ունեցավ Fendi նորաձեւության տան ցուցադրությունը: Հյուրերին ներկայացվեց 2019 թվականի աշուն-ձմեռ հավաքածուն:
Հավաքածուն զարդարում էին յուրօրինակ դետալները՝ փետուրներ, կաշվե իրերը, ինքնատիպ աքսեսուարներ: Դրանք նրբագեղություն ու կանացիություն էին հաղորդում ներկայացված հանդերձանքներին: Իհարկե, նորաձեւության տունը չէր մոռացել նաեւ արդեն ավանդական դարձած մորթե իրերի եւ հանդերձանքների մասին: Դրանք, կարծես, Fendi-ի այցեքարտն են դարձել:
Իտալական նորձեւության տունը ցուցադրությունը ողողել էր զանազան գույներով, որոնց համադրությունը ներդաշնակ էր եւ ակնահաճո: Այս անգամ Սիլվիա Ֆենդին ավելի էր շեշտել հանդերձանքների ոչ սիմետրիկ եզրերը եւ օգտագործել էր թափանցիկ կտորներ:
Հանդերձանքների շարքում կային այնպիսիք, որոնք ունակ են ցանկացած կնոջ վերածել հոլիվուդյան աստղի: Կարմիր գորգին հատուկ նուրբ ու շքեղ զգեստներից շատերը պաստելային գույների էին:
Աղբյուրը՝ Vogue
Լուսանկարները՝ Kim WestonArnold Indigital.tv