Ջասթին Բիբերը շուտով կամուսնանա Հեյլի Բոլդուինի հետ

Կարծես միայն Մեգան Մարքլի ու արքայազն Հարրիի հարսանիքով այս տարի մենք չենք սահմանափակվի, շուտով եւս մեկ մեգաիրադարձություն է տեղի ունենալու՝ կարծես Ջասթին Բիբերն է ամուսնանում 21-ամյա մոդել Հեյլի Բորդուինի հետ։

Երեկ հայտնել էին, որ Ջասթին Բիբերն ու Հեյլի Բոլդուինը նշանվել են։ Ոմն Azymanzur իր Twitter-ում   հրապարակել էր սիրահարների լուսանկար, որտեղ մոդելի անանուն մատի վրա մատանի է երևում։

24-ամյա կանադացի կատարողն ու 21-ամյա մոդելը, ըստ երեւույթին, շատ շուտով կամուսնանան, քանի որ երգիչն ինքը իր Instagram-ում հրապարակել է ռոմանտիկ լուսանկարներ Հեյլիի հետ ու հուզիչ ձևով մակագրել դրանք։

«Ես կցանկանայի մի քիչ սպասել, բայց լուրերն այնքան արագ են տարածվում։ Հեյլի, ես քեզ սիրում եմ։ Ես ուզում եմ քեզ հետ անցկացնել իմ ամբողջ կյանքը, ճանաչել քո յուրաքանչյուր մասնիկը՝ սիրով ու բարությամբ։ Ես խոստանում եմ, որ մեր ընտանիքը ապրելու է ազնիվ ու մեկ ամբողջություն է լինելու։ Իմ սիրտն ամբողջովին քեզ է պատկանում, ու ես միշտ քեզ եմ դնելու առաջին տեղում։ Դու ես իմ ամբողջ կյանքի սերը, Հեյլի Բոլդուին, ու ես չեմ ուզում  այն անցկացնել մեկ ուրիշի հետ։ Դու ինձ ավելի լավն ես դարձնում, ու մենք հոյակապ լրացնում ենք իրար։

Անհամբեր սպասում եմ իմ կյանքի հաջորդ փուլին։ Քեզ հետ ամեն ինչ իմաստ է ստանում։ Ամենից շատ ես ուրախ եմ, որ իմ կրտսեր քույրն ու եղբայրը եւս մեկ առողջ ու ամուր ամուսնություն կտեսնեն ու կձգտեն նույնին։ Մենք նշանվել ենք յոթերորդ ամսվա յոթերորդ օրը ու դա հրաշալի է։ Յոթ թիվը հոգեւոր կատարելության խորհրդանիշն է։ Ու ի դեպ, ես դա չէի ծրագրել։ Բայց ամեն դեպքում իմ հոգին հանգիստ է այն բանի համար, որ մեր ապագան հիմա ապահովված է։  «Նա ով կին է գտնում, գտնում է բարիք ու ստանում Աստծու ողորմությունը»,- գրել է Ջասթինը։

Հեյլին էլ, իր հերթին, Twitter-ում հետեւյալն է գրել․

«Չգիտեմ, թե ինչով եմ արժանացել այս երջանկությանը, բայց ես շնորհակալ եմ Աստծուն՝ այդ անհավանական մարդու համար, որի հետ կիսելու եմ կյանքս։ Ես խոսք չունեմ, որ արտահայտեմ իմ երախտագիտությունը»։