Մերիլին Մենսոնն ամբողջ աշխարհին հայտնի է իր արտասովոր պահվածքով: Ռոք երաժիշտն այս անգամ եկել էր մասնակցելու իսպանական Download Festival փառատոնին, երբ նրա խմբի ելույթի ժամանակ բեմ են բարձրացել երկրպագուները, ովքեր ցանկանում էին լուսանկարվել նրա հետ, գրում է NME-ն։
Երկրպագուներից մեկը բեմ էր դուրս եկել շապիկով, որի վրա պատկերված էր Avenged Sevenfold խմբի լոգոն։
Մերիլին Մենսոնը մի քանի անգամ խնդրել է հանել այդ շապիկը։
«Սա իմ խումբը չէ։ Սա այլ խումբ է։ Կարող ես այս դրոշը հագնել շապիկի փոխարեն»,- առաջարկել է նա պատանուն, որը միանգամից հանել է շապիկը։