Երկրում տիրող ցանկացած իրադրություն կամ որեւէ նոր իրողություն հումորային երանգներ է ստանում, երբ դրան անդրադարձ է կատարում դերասան, հումորիստ Անդրանիկ Հարությունյանը (Անդոն):
Վերջերս նա աչքի է ընկնում, հատկապես, ԱԱԾ գործողությունների մասին հրապարակումներով, որոնք նա համեմում է իրեն հատուկ «համ» ու «հոտով»:
Այս անգամ դերասանը իր Instagram-ի story բաժնում, որտեղ ինֆորմացիան պահպանվում է ընդամենը 24 ժամ, հրապարակել է մի լուսանկար, որում , ըստ երեւույթին, պատկերված է Սեւանում:
Անդոն նաեւ մակագրել է լուսանկարը՝ հրապարակման վրա գրելով. «Շոգից փախԱԱԾները»: Այսպես հումորիստը մեկ հումորային անդրադարձով միանգամից խոսել է հանրության շրջանում բավականին արդիական երկու թեմայի մասին՝ ամառային տապի ու ԱԱԾ գործողությունների:
Ավելի վաղ հումորիստը սիթքոմների ոճին հատուկ թափառականի կերպարով էր հանդես եկել իր Instagram-ի միկրոբլոգում: Հումորիստը մեկնաբանել էր իր հրապարակումը՝ դրան կից գրելով. «ԱԱԾ-Ի՝ մեր տները այցելությունից 1 շաբաթ անց, կամ վերնագրեք ինքներդ»: