Ավարտվել են «Գահերի խաղը» սերիալի վերջին եթերաշրջանի նկարահանումները
13:51 11 հուլիսի, 2018Անհամբեր սպասում ենք 2019թ.-ի աշնանը, երբ վերջապես կթողարկվի «Գահերի խաղը» սերիալի վերջին եթերաշրջանը։ Իսկ մինչ այդ Ջոն Սնոուի`Քիթ Հարինգթոնի ֆան ակումբը Instagram-ում հայտնել է «Գահերի խաղը» ֆանտաստիկ սերիալի նկարահանումների ավարտի մասին։
«Գահերի խաղը» պաշտոնապես ավարտել է նկարահանումները»,- հայտնում է այն գրառումը, որը նկարազարդված է Ջոն Սնոուի կերպարով Հարինգթոնի լուսանկարով։
Ի դեպ, նշենք, որ Netflix-ը հետո նկարահանելու է նաեւ սպին-օֆ՝ Ջորջ Մարտինի «Երգ սառույցի ու կրակի մասին» գրքի մոտիվներով։ Նաեւ հավելենք, որ թողարկման ժամկետը մեկ տարով ուշանում է միայն որովհետեւ եզրափակիչ եթերաշրջանում հսկայական քանակությամբ հատուկ էֆեկտներ են լինելու, որոնց վրա աշխատանքները մի ամբողջ տարի են տեւելու։