Պապարացիներից հեռու՝ Քայլի Ջեններն ու Թրեւիս Սքոթը փախել են Հավայի

18:11   12 հուլիսի, 2018
Այսօրվա երկրորդ նորությունը Քայլի Ջենների մասին։ Եվ այսպես, այս անգամ խոսքը նրա երեխայի հոր՝ Թրեւիս Սքոթի մասին է։ Հիշո՞ւմ եք, որ Քանյեն ձայնագրել էր իր նոր ալբոմը՝ թաքնվելով Վայոմինգի սարերում, ճիշտ այդպես է որոշել վարվել նաև Թրեւիսը, սակայն սարերի փոխարեն նա ընտրել է Հավայան լողափերը:)
25-ամյա ռեփերը աշխատում է նոր ալբոմի վրա, բայց դա անում է ոչ թե մենակ, այլ իր ընկերուհու՝ Քայլի Ջենների ու հունվարին ծնված դստեր՝ Սթորմիի օգնությամբ։
 
Ռեփերը, ինչպես գրում է TMZ-ը, հսկայական առանձնատուն է ամրագրել, որի անվտանգությունը պահպանվելու է օրական 24 ժամ։ Լողափին գտնվող առանձնատունը տարբերվում է նրանով, որ այնտեղ կա ձայնագրման ստուդիա, որտեղ կարող է աշխատել Թրեւիսը։
 
Նշում են, որ ռեփերի մոտ կարող են գալ հանրահայտ պրոդյուսերները, որոնք հետաքրքրվել են նրա նոր աշխատանքներով։ Սակայն նրանք ապրում են ոչ թե Թրեւիսի տանը, այլ հյուրանոցում։
Երեկ հայտնի է դարձել, որ Forbes հեղինակավոր ամսագիրը որոշել է ոչ միայն իր շապիկին պատկերել Քիմ Քարդաշյանի 20-ամյա քրոջ՝ Քայլի Ջեններին, այլև նրա անունն ընդգրկել ինքնուրույն հարստացած կին միլիոնատերների ցուցակում։ Վարկանիշում տեղ են գտել 60 կին, ի դեպ այնտեղ կա նաև Քիմ Քարդաշյանի անունը, որը 54-րդ տեղն է զբաղեցրել։ Ըստ ամսագրի՝ հայուհու KKW Beauty ապրանքանիշը Քիմին 350 միլիոն դոլար է բերել։


© NEWS.am STYLE