Ջորջ եւ Ամալ Քլունիներին առաջին անգամ տեսել են վթարից հետո
20:58 12 հուլիսի, 2018Ջորջ եւ Ամալ Քլունիների ընտանեկան հանգիստը Սարդինիայում ընդհատվեց այն բանից հետո, երբ 57-ամյա դերասանը ճանապարհատրանսպորտային փոքր վթարի մեջ ընկավ:
Բարեբախտաբար, դերասանը շատ վնասվածքներ չէր ստացել, սակայն, ըստ ականատեսների, Քլունին կաղում էր, երբ օդանավակայանում անձնական ինքնաթիռով պատրաստվում էր թռիչքի:
Կադրերում եւս երեւում է, որ նրա համար բավականին դժվար է քայլելը:
Դերասանին դժվարությամբ է հաջողվել ինքնաթիռ բարձրանալ, իսկ այդ ընթացքում նրա 40-ամյա կինը՝ Ամալը, ամեն կերպ նրան օգնել ու աջակցել է, չնայած նրան, որ զույգի փոքրիկ դուստրը եղել է մայրիկի գրկում:
Աղբյուրը՝ Daily Mail
Լուսանկարները՝ Backgrid, Mega