ԱՄՆ առաջին տիկին Մելանիա Թրամփը մի քանի հանդիպումներ է ունեցել Չելսիում: Դոնալդ Թրամփի կինը այս անգամ եւս ցույց է տվել իր բարձր ճաշակը:
Մինչ ԱՄՆ նախագահ Թրամփը զբաղված էր քաղաքականությամբ, Մելանիան շրջել է Չելսիի թագավորական հիվանդանոցով:
Մելանիա Թրամփը այս անգամ ընտրել էր բրիտանացի մոդելավորողի հագուստ: Խոսքը հանրաճանաչ Վիկտորիա Բեքհեմի մասին է (ֆուտբոլիստ Դեւիդ Բեքհեմի կինը):
Այս դեպքում, թերեւս, համարձակորեն կարելի է պնդել, որ ոչ թե զգեստն է զարդարել իր տիրուհուն, այլ հակառակը:
Մոտավորապես 2000 դոլար արժողությամբ հանդերձանքը նրբաճաշակ Մելանիան ամբողջացրել է իր կողմից այդքան սիրված բարձրակրունկ կոշիկներով: 48-ամյա առաջին տիկինը նուրբ դիմահարդարմամբ է հանդես եկել ու «բնական» սանրվածքով:
Նույնիսկ բարձրակրունկ կոշիկներն ու դասական լուքը առաջին տիկնոջ բոուլինգ խաղալուն խոչընդոտ չեն հանդիսացել:
Աղբյուրը՝ Daily Mail
Լուսանկարները՝ Getty