«Ոսկե Ծիրան» 15-րդ միջազգային կինոփառատոնի մրցանակակիրները
22:43 14 հուլիսի, 2018Երեւանում այսօր տեղի ունեցավ «Ոսկե Ծիրան» միջազգային կինոփառատոնի փակման պաշտոնական արարողությունը, որի ընթացքում հնչեցին այս տարվա մրցույթներում հաղթած ֆիլմերի եւ ռեժիսորների անունները:
NEWS.am STYLE-ը եւս ներկա է եղել փառատոնի փակման պաշտոնական արարողությանը, որը ներկայացրել ենք ուղիղ հեռարձակմամբ: Այժմ ձեր ուշադրությանն ենք ներկայացնում հաղթողների ցանկը:
«Ոսկե Ծիրան»-ի պատվավոր մրցանակ- Հասմիկ Պապյան
Ֆիպրեսկի մրցանակ-«Դեդե», ռեժիսոր՝ Մարիամ Խաչվանի
Հայկական համայնապատկեր
Լավագույն սփյուռքահայ կինոգործիչ-ռեժիսոր Առնո Խայաջանյան
Լավագույն սցենար-«Մայրամուտի բեռնատարը», ռեժիսր` Աբոլֆազր Սաֆարի
Լավագույն դերասան-Շանթ Հովհաննիսյան, «Եվա»
Լավագույն դեբյուտ-«Քամու հետ», ռեժիսոր՝ Արթուր Սահակյան
Լավագույն ֆիլմ-«Եվա», ռեժիսոր` Անահիտ Աբադ
Վավերագրական ֆիլմերի միջազգային մրցույթ
Հատուկ մրցանակ-«Հստակ աշխարհ», ռեժիսոր` Վախթանգ Կունցեւ-Գաբաշվիլի
«Արծաթե ծիրան»-ի հատուկ մրցանակ-«Կհանդիպենք վաղը», ռեժիսր` Այնարա Վերա
«Ոսկե ծիրան» գլխավոր մրցանակ-«Հեռավոր համաստեղություն», ռեժիսոր՝ Շեւաուն Միզրահի
Խաղարկային ֆիլմերի միջազգային մրցույթ
Հատուկ մրցանակ-«Ֆորտունա», ռեժիսոր՝ Ժերմինալ Ռոո
«Ոսկե ծիրան» գլխավոր մրցանակ-«Հրաբուխ», ռեժիսոր՝ Ռոման Բոնդարչուկ
«Փարաջանովյան թալեր» հատուկ մրցանակ-ռեժիսորներ՝ Ժան Ֆրանկո Ռոսի, Ասղար Ֆարհադի
Կինոփառատոնն այս տարի անցկացվեց 15-րդ անգամ: Այն մեկնարկել էր հուլիսի 8-ից: Այս ընթացքում հայ ֆիլմասերները հնարավորություն ունեցան դիտելու եւ գնահատելու հայ եւ արտասահմանցի ռեժիսորների նոր ֆիլմերը: Այս տարվա կինոփառատոնն, իսկական, անակնկալ էր «Սեւ կարապը», «Մամա», «Նոյ», «Շատրվանը», «Ռեքվիեմ երազանքի համար» եւ մի շարք այլ ֆիլմերով հայտնի ռեժիսոր Դարեն Արոնոֆսկու երկրպագուների համար, քանի որ աշխարհահռչակ ռեժիսորն այս տարվա «Ոսկե Ծիրան»-ի հատուկ հյուրն էր:
Սյունե Առաքելյան