Սասսեքսի 36-ամյա դքսուհին ու արքայազն Հարրին կրկին հայտնվել են լուսանկարիչների ու հանրության ուշադրության կենտրոնում: Մեգան Մարքլն ու նրա ամուսինը՝ արքայազն Հարրին, ներկա են գտնվել լոնդոնյան ցուցահանդեսներից մեկի բացմանը, որը տեղի ունեցավ Queen Elizabeth Hall-ում:
Արքայազն Հարրին ու նրա կինը բավականին երջանիկ տեսք են ունեցել ու մտերմիկ կերպով շփվել են թե՛ լրագրողների, թե՛ այլ ներկաների հետ:
Ցուցահանդեսը նվիրված էր մարդու իրավունքների համար պայքարի ամենահայտնի ակտիվիստներից մեկին՝ Նելսոն Մանդելային: Հարավաֆրիկյան Հանրապետության առաջին սեւամորթ նախագահը անձամբ ճանաչել է արքայազն Հարրիի մայրիկին՝ արքայադուստր Դիանային:
Մեգան Մարքլը, ինչպես միշտ, ընտրել է զգեստ, որն ընդգծել է նրա կանացիությունն ու արիստոկրատ նրբությունը:
Պաստելային վարդագույն զգեստ-տրենչը դքսուհին համադրել է նույն երանգի կլատչի ու դասական «նավակ» կոշիկների հետ, որոնք, թերեւս, երբեք դուրս չեն գալիս նորաձեւ իրերի ցուցակից:
Մեգանը նուրբ դիմահարդարմամբ է ներկայացել, որը, կարծես, դարձել է դքսուհու այցեքարտը. նա գրեթե միշտ նախընտրում է «բնական» տեսք ունենալ: Արքայազն Հարրիի կինը ամբողջացրել է իր լուքը թեթեւ սանրվածքով, որը ապահովել է վերոնշյալ «բնական» տպավորությունը:
Աղբյուրը՝ People
Լուսանկարները՝ Shutterstock, Getty