Երգչուհի Քեթի Փերին հաճախ ներկայանում է նոր երգերով, բայց նույնը չենք կարող ասել անկեղծ խոստովանությունների մասին: Vogue Australia-ին տված հարցազրույցում երգչուհին ասել է, որ իր կյանքը հիմնովին փոխվել է այն բանից հետո, երբ նա իր մայրիկի ու սիրելիի՝ դերասան Օրլանդո Բլումի հետ հանդիպել է Հռոմի պապին:
Երգչուհին խոստովանել է, որ հիմա ավելի շատ ժամանակ է փորձում հատկացնել հոգեւոր արժեքների ամրապնդմանը:
«Մայրիկս առաջ ինձ աղաչում էր, որ դառնամ դեպի Աստծուն, բայց ես երբեք էլ նրանից հեռու չեմ եղել: Պարզապես այն ժամանակ ես ավելի առարկայապաշտ էի, ամբիցիաները ինձ ստիպում էին մոռանալ ցանկացած այլ բան»,-բացատրել է Քեթին:
Քեթին նաեւ անդրադարձել է այն փաստին, որ տեխնիկան հաճախ խանգարում է մարդկային շփմանը. «Իրականում մենք բոլորս էլ համակարգիչներ ենք, շատ վիրուսներ մեզ փոխանցվում են ծնողներից կամ շրջապատից»:
Ավելի վաղ պարզ էր դարձել, որ Քեթի Փերին արդեն տասը ամիս է չի կարողանում «ազատվել» իր տնից։ Երգչուհին սկզբում իր շքեղ տունը վաճառքի էր դրել 9 մլն դոլարով, սակայն գնորդ չէր գտնվում։
Աղբյուրը՝ Vogue Australia
Լուսանկարները՝ Instagram