Մայիսի 23-26-ը թայլանդական Պատայայում անցկացվելու է «Արեւելքի գույները» ամենամյա փառատոնը:
Ըստ Gooddays-ի, փառատոնի ընթացքում ելույթ կունենան տարբեր ժանրերում գործող տեղական կատարողներ: Փոքրիկների համար պատրաստվել է տիկնիկային թատրոն Ռայոնգից, որտեղ խաղում են հնագույն էսքիզներով վերականգնված մետրանոց խամաճիկներ: Թատրոնը եզակի է նաեւ նրանով, որ տիկնիկները ղեկավարում են բուդդայական վանականները:
Փառատոնին մասնակցում են երաժիշտներ եւ վաճառականներ տարբեր շրջաններից: Տեղադրված բազմերանգ տաղավարներում հնարավոր կլինի ցածր գներով ձեռք բերել հուշանվերներ, տեղական վարպետների աշխատանքներ՝ մետաքսից, կոշիկներից մինչեւ մանկական ապրանքներ եւ խաղալիքներ: Ֆերմերներն էկզոտիկ մրգեր կվաճառեն, կլինեն նաեւ թայլանդական ուտեստներով բազմաթիվ սեղաններ: