Անջելինա Ջոլիի ու Բրեդ Փիթի զույգը նույն կերպ անկում ապրեց, ինչպես գրավել էր հազարավոր մարդկանց սրտերը: Հոլիվուդի երբեմնի ամենագեղեցիկ զույգի ամուսնական սկանդալը մինչ օրս չի հանդարտվում:
Անջելինա Ջոլիի փաստաբանը որոշում է կայացրել հրաժարվել դերասանուհու պաշտպանությունից: Այդ մասին հայտնում է TMZ-ն: Ջոլիի նպատակը վեց երեխաների խնամակալությունն ամբողջովին իր վրա վերցնելն է, մինչդեռ դատարանը վճռել էր, որ հայրը եւս պետք է մասնակցություն ունենա երեխաների դաստիարակությանը:
Փաստաբան 50-ամյա Լաուրա Վասսերը նշել է, որ Ջոլին չափազանց թունոտ է թե՛ իր խոսքերում եւ թե՛ կատարած քայլերում: Վասսերը համաշխարհային մի շարք աստղերի ապահարզանի գործով է զբաղվել, բայց այս դեպքը, կարծես, չափազանց բարդ է նրա համար:
Հիշեցնենք, որ ավելի վաղ, չնայած կյանքի բավականին բարդ շրջափուլին, Ջոլին ներկայացել էր Լոնդոնում կայացած պաշտոնական միջոցառմանը: Նրա արիստոկրատ տեսքը ակտիվորեն քննարկվում էր համացանցում:
Լուսանկարները՝ Getty, WENN