Հումորիստ, շոումեն Գարիկ Մարտիրոսյանն ու նրա կինը՝ Ժաննա Լեւինան վայելում են ամառային հանգիստը Յուրմալայում, բայց դա չի նշանակում, որ Ժաննան մոռացել է երկրպագուների մասին:
Նա գրեթե ամեն օր նոր, դրական էներգիայի պաշարով է հագեցնում հետեւորդների առօրյան:
Այս անգամ հումորիստի ոչ պակաս հումորիստ կինը իր Instagram-ի էջում հրապարակել է լուսանկար, որում Գարիկի հետ կանգնած է շոումենի լուսանկարով վահանակի կողքին:
Ժաննայի դեմքի արտահայտությունն իսկ բավական է, որպեսզի լուսանկարին նայելիս ժպտանք, բայց հրապարակմանը կից մեկնաբանությունն ավելի զվարճալի է:
Ժաննան գրել է. «Ահա եւ հանդիպեցին ամուսինս ու սիրեկանս»:
Ավելի վաղ Ժաննան «ծաղրել էր» Գարիկին՝ ներկայացնելով նրա լուսանկարների զվարճալի շարքը:
«Կովկասյան բուսականության էվոլյուցիան՝ ածելիի բացակայության պայմաններում փորձի մասնակցի մոտ 12 ժամվա ընթացքում»,- մակագրել էր լուսանկարները Ժաննան։