Բեյոնսեն անկեղծացել է՝ հայտնվելով Vogue US-ի շապիկին
21:35 6 օգոստոսի, 2018Աշխարհահռչակ երգչուհի Բեյոնսեն հայտնվել է Vogue US ամսագրի սեպտեմբերյան համարի շապիկին: Նա պատմել իր բարդ ծննդաբերությունների, մարմնի ոչ կատարյալ լինելու, կյանքի դժվարությունների մասին:
Բեյոնսեն նշել է, որ երեխաների լույս աշխարհ գալուց հետո երկար ժամանակ անցկացրել է հիվանդանոցում ու այդ ողջ ընթացքում ամուսինն իր համար թեւ ու թիկունք է եղել, աճել է որպես մարդ, ամուսին ու հայր:
«Առաջին երեխայի ծնունդից հետո ես հիվանդագին կերպով էի մոտենում մարմնիս փոփոխություններին, ջանում էի շուտ վերականգնվել: Դա ինձ մոտ ստացվեց. երեք ամիս անց ես արդեն տարբեր շոուների էի մասնակցում, բայց դեռ կերակրող մայր էի: Հաջորդ հղիությունը ավելի հասուն կերպով ընկալեցի»,-նշել է 36-ամյա երգչուհին:
Բեյոնսեն նաեւ անդրադարձել է կյանքի ծանր հարվածներին` խոստովանելով, որ շատ ցավ ու տառապանք է տեսել, անցել է դժոխքի միջով ու ետ դարձել:
Նա հաղթահարել է դավաճանություններն ու հիասթափությունները եւ այժմ իրեն ավելի գեղեցիկ, ավելի ուժեղ ու ինքնավստահ է զգում:
«Ես ուզում եմ, որ երեխաներս գիտակցեն՝ իրենք են իրենց ճակատագիր կերտողը. Նրանք կարող են ցանկացած կրոն դավանել, սիրել ում կկամենան, խոսել ցանկացած թեմայով»,-անկեղծացել է երգչուհին:
Բեյոնսը եւ Jay-Z-ն ամուսնացել են 2008 թվականի ապրիլի 4-ին Նյու Յորքում: 2011 թվականին ին MTV Video Music Awards արարողության ժամանակ Բիյոնսեն հայտարարել էր, որ հղի է, իսկ 2012 թվականին լույս աշխարհ է բերել Բլյու Այվի Քարթերին: Ռումին ու Սեռը ծնվել են 2017-ին:
Աղբյուրը՝ Daily Mail
Լուսանկարները՝ Vogue-ի, Instagram-ի