Անջելինա Ջոլին բողոքել է ալիմենտի չնչին չափից
00:20 8 օգոստոսի, 2018Անջելինա Ջոլիի ու Բրեդ Փիթի զույգը ժամանակին Հոլիվուդի ամենագեղեցիկ զույգերից էր: Երկրպագուները բավականին դժվարությամբ համակերպվեցին նրանց բաժանմանը, սակայն, ինչպես երեւում է, այդ գործընթացը այդպես էլ չի հասնում իր ավարտին:
Ձգձգվող դատական քաշքշուքի ընթացքում Ջոլին ու Բրեդը շարունակում են պայքարել: Այս անգամ դերասանուհին բողոքել է, որ իրենց ապահարզանի ամբողջ երկու տարվա ընթացքում նախկին ամուսինը բավարար միջոցներ չի տրամադրել երեխաների ապրուստավճարի համար:
TMZ-ի փոխանցմամբ, Ջոլիի նոր փաստաբանը նշել է, որ նախապես ոչ պաշտոնական պայմանավորվածություն է եղել, որը սակայն, Բրեդը դրժել է:
Ի դեպ, վերջերս Անջելինա Ջոլիի արդեն նախկին փաստաբանը որոշում էր կայացրել հրաժարվել դերասանուհու պաշտպանությունից:
Ջոլիի նպատակը վեց երեխաների խնամակալությունն ամբողջովին իր վրա վերցնելն էր, մինչդեռ դատարանը վճռել էր, որ հայրը եւս պետք է մասնակցություն ունենա երեխաների դաստիարակությանը: 
Լուսանկարները՝ Getty-ի