«Սպասելը՝ ակտիվ ու կշռադատված գործողություն է. հասու միայն ուժեղներին». Նազենի Հովհաննիսյան
14:44 8 օգոստոսի, 2018Հեռուստահաղորդավարուհի, դերասանուհի Նազենի Հովհաննիսյանը մշտապես հանրության ուշադրության կենտրոնում է: Քիչ չեն դեպքերը, երբ նրա կողմից հնչեցված այս կամ այն կարծիքը բուռն քննարկումների առիթ է հանդիսացել: Այնուամենայնիվ նա միկրոբլոգի իր հետեւորդ-երկրպագուներին չի մոռանում անգամ ամառային հանգստի ժամանակ: Մշտապես անցկացվող ուղիղ եթերներն անմիջական կապ են պահպանում նրանց միջեւ:
.jpg)
Նազենին Instagram-ում հաճախ հրապարակում է հրապուրիչ լուսանկարներ, որոնք ներկայացնում են դերասանուհի-հաղորդավարուհու հագեցած առօրյան: Սակայն այսօր հեռուստահաղորդավարուհին կատարել է գրառում՝ սպասումի մասին:
Խոսելով սպասումի ու սպասելու մասին Նազենի Հովհաննիսյանը գրել է. «Սպասել. աշխարհում ամենաբարդ բանն է սպասելը։ Սպասումն անցնում է շատ կամուրջներով. վշտի, ուրախության, ցավի կամ կորստի, հույսի կամ անքուն գիշերների, հիասթափությունների կամ վերարժևորումների Կամուրջներով։ Սպասումը մի ամբողջ փիլիսոփայություն է։ Սպասելը՝ ակտիվ ու կշռադատված գործողություն. հասու միայն ուժեղներին»։