62-ամյա Լարիսա Դոլինան բաժանվել է երիտասարդ սիրեկանից
19:09 8 օգոստոսի, 2018Լարիսա Դոլինան բաժանվել է իր քաղաքացիական ամուսնուց՝ Իլյա Սպիցինից՝ մոտ 20 տարի տեւած հարաբերություններից հետո, հայտնում է «Комсомольская правда»-ն: Դոլինան ու Սպիցինը շարունակում են իրենց լավ հարաբերությունները, վերջինս վարում է նաեւ երգչուհու ֆինանսական գործերը:
Ինչպես հրատարակությանը պատմել է Դոլինայի երկրորդ ամուսինը՝ Վիկտոր Միտյազովը, Իլյան գնացել է ուրիշ կնոջ մոտ:
«Լարիսան ու Սպիցինը որոշել են հանրությանը հայտնել այն մասին, որ նրանք արդեն ընտանիք չեն եւ շարունակում են պայմանագրային հարաբերությունները: Նա մնացել է, որպես երգչուհու տնօրեն, քանզի Լարիսան չի զբաղվելու կազմակերպչական գործունեությամբ: Ինձ փոխանցել են եւ՛ երաժիշտները, եւ՛ սպասարկող անձնակազմը, որ Իլյայի կյանքում ուրիշ կին կա, ով էլ նրանից երեխա է ունեցել: Ու կարծես թե, նա ընտանիք ունի: Դոլինան ընդունել է այդ փաստը եւ, կարծես, հաշտվել», - ասել է Միտյազովը:
Այդուհանդերձ Դոլինայի ընկերը գտնում է, որ երգչուհին դեռ զգացմունքներ ունի Սպիցինի հանդեպ:
Դերասան Ստանիսլավ Սադալսկին հաստատել է երգչուհու եւ նրա քաղաքացիական ամուսնու բաժանության մասին լուրերը, ինչպես նաեւ հայտնել է, որ զույգը պաշտոնապես չի գրանցել իրենց ամուսնությունը:
Չնայած, որ 49-ամյա տղամարդը երգչուհուց 13 տարով երիտասարդ է, այնուամենայնիվ նրանց հաջողվել է երկարամյա հարաբերություններ կառուցել: