«Ես զգում եմ, որ պատրաստ եմ դիմակայելու ցանկացած վտանգի». Քրիս Հեմսվորթը դարձավ 35 տարեկան
12:08 11 օգոստոսի, 2018Հոլիվուդում հայտնի ավստրալացի դերասան Քրիս Հեմսվորթն այսօր՝ օգոստոսի 11-ին, նշում է ծննդյան 35-ամյակը: Դերասանին մեծ ճանաչում բերեց «Թոր» ֆիլմը, որտեղ նա մարմնավորում է հենց գլխավոր հերոսին: Ուժեղ, հմայիչ եւ քաջ՝ այսպիսին է Թորը, երկրպագուները Քրիսին եւս հաճախ հենց այդ կերպարի հետ են նույնացնում: Այնուհետեւ Քրիսը ֆիլմերում ավելի հաճախ սկսեց մարմնավորել առնական եւ ուժեղ հերոսների:
Մինչ շատ աղջիկներ եւ կանայք շարունակ երազում են կապուտաչյա այս տղայի մասին, շտապենք նշել, որ Քրիսն ամուսնացած է դերասանուհի Էլզե Պատակիի հետ: Նրանք ունեն 3 զավակ՝ դուստր Ռոզին եւ երկվորյակներ Սաշան ու Տրիստանը:
Քանի որ այսօր շաբաթ է, երեկոն առաջարկում ենք անցկացնել հմայիչ դերասանի մանակցությամբ ֆիլմեր դիտելով՝ «Թոր», «Ծովի սրտում», «Սպիտակաձյունիկն ու որսորդը», «Վրիժառուները» եւ այլն: Իսկ մինչ այդ ներկայացնում ենք Քրիս Հեմսվորթի մտքերից մի քանիսը.
«Իմ կարծիքով կյանքի նպատակը փորձն է եւ լավ մարդ լինելը»:
«Սուպերհերոս լինելն իսկական զվարճանք է»:
«Որքան շատ կոնֆլիկտ եւ հակադրություն ես ունենում կերպարիդ հետ, այնքան աշխատանքդ ավելի հետաքրքիր է դառնում»:
«Երեխաները հաճախ վազվզում են տան անկյուններում՝ ձեւացնելով, թե սուպերհերոսներ են, իսկ ինձ համար սա աշխատանք է դարձել: Ես, իսկապես, հաջողակ եմ»:
«Մանկական շրջանի մեր ապրումները ձեւավորում են մեզ՝ որպես չափահասների»:
«Ես կարեւորում եմ ուժեղ կին առաջնորդների առկայությունը»:
«Ես զգում եմ, որ պատրաստ եմ դիմակայելու ցանկացած վտանգի, որը կծագի իմ առջեւ: Այնպիսի տպավորություն է, ասես ինձ մոտ միշտ մուրճ կա»:
«Ես երեք տարի շարունակ տարօրինակ վարսահարդարումներ եմ ունեցել»:
«Երբ ռեժիսորդ նաեւ դերասան է, դու ավելի հանգիստ ու վստահ ես աշխատում»:
«Ինձ միշտ դուր են եկել այնպիսի ֆիլմերը, որոնք քեզ տեղափոխում են այնպիսի աշխարհ, որը դու երբեք չես տեսել»:
Լուսանկարները՝ Քրիս Հեմսվորթի Facebook-ի էջից