5 բյութի-թրենդ՝ միայն ամենահամարձակների համար
21:47 13 օգոստոսի, 2018Նորաձեւության աշխարը չափազանց անկանխատեսելի է: Օրեցօր փոխվում է ոճի ընկալումը, իսկ միմյանցից տարբերվելու ցանկությունը երբեմն վերածվում է մոլուցքի: Համացանցում հաճախ կարելի է հանդիպել բիութի-բլոգերների, սակայն նրանց մեջ որոշները առանձնանում են յուրահատուկ հնարամտությամբ. նրանք գտնում են հազար ու մի միջոց, որոնք երբեմն կարող են նույնիսկ անհեթեթ թվալ:
1. Շուրթեր՝ նեոնից
Եթե դուք կարծում եք, որ շրթներկի դասական երանգներից այն կողմ ալեւս ոչինչ չկա, ապա սխալվում եք: Ժամանակակից աշխարհը հնարավորություն է տալիս ընդլայնել երեւակայության սահմանները: Այս շուրթերով հնարավոր չէ գիշերում աննկատ մնալ:
2. Արվեստ՝ շուրթերին
Ձեր սիրելի մուլտհերոսներն ու անգամ մեմերը կարող են հայտնվել ոչ միայն գաջեթներում, այլեւ հենց ձեր շուրթերին: Դիմահարդարման այս տեսակը, թերեւս, ամենազվարճալի մարդկանց համար է:
3.Պարտեզներ՝ աչքերին
Մանուշակներ ոտքերիս ու շուշաններ ձեռքերիս... կամ այս ամբողջը՝ կոպերին: Հովհաննես Շիրազը, կարծես, հենց այս տեսակ գեղեցկության մասին է խոսել ժամանակին: Իհարկե, այս մոտեցումը ոչ բոլորի սրտով կլինի: Բայց խոստովանեք, որ երեկոյի թագուհին դառնալն այսքանից հետո պարզապես անխուսափելի է:.jpg)
4. Ծիածան-հոնքեր
Անցում կատարենք դեպի դիմահարդարման հաջորդ փուլ: Սովորական ընդգծված հոնքերն արդեն անցյալում են՝ համենայն դեպս որոշ մարդկանց համար: Գույներ, գույներ, գույներ... դրանք նորաձեւության մեջ ավելի համարձակ, ավելի էքստրավագանտ կիրառումներ են ստանում: .jpg)
5. Ծիածան-վարսեր
Եթե արդեն հարդարել եք հոնքերը, ձեր շուրթերին նկարված է ամենասիրելի հերոսը, իսկ աչքերը զարդարված են ծաղիկներով ու պատկերներով, ապա համարձակորեն կարելի է մտածել վարսերի մասին: Համացանցի խենթ օգտատերերը գիտեն՝ ինչպես զարմացնել Ձեզ:
Պատրաստեց Սյուզի Մսրյանը
Լուսանկարները՝ Instagram-ից