Ոճային Աննա Դովլաթյանի նոր զվարթ կերպարը
23:18 15 օգոստոսի, 2018Երգչուհի, դերասանուհի, հաղորդավարուհի Աննա Դովլաթյանն Instagram-ի էջում հաճախ է ուրախացնում երկրպագուներին՝ հրապարակելով նուրբ ու պայծառ լուսանկարներ:
Աննայի միկրոբլոգը բավականին նրբաճաշակ է «դասավորված». լուսանկարները հիմնականում նույն երանգներն ունեն ու գրեթե բոլորն էլ նրբությամբ են պարուրված:
Այս անգամ ոճային դերասանուհի-երգչուհին իր էջում հրապարակել է կարճ տեսանյութ, որում ցուցադրել է ամառային, թեթեւ, ծաղկավոր զգեստը, թրենդային թաշկինակ-գլխազարդն ու ծղոտե պայուսակը:
Զվարթ հրապարակումը որեւէ կերպ մեկնաբանված չէ դերասանուհու կողմից, սակայն այդ բացը լրացրել են հիացած երկրպագուները:
Ավելի վաղ հայուհին ամառային հանգստի մի պատառիկ էր ներկայացրել օգտատերերին:
Դերասանուհու լուքի գլխավոր բաղկացուցիչը ճերմակ, նուրբ վերնազգեստն էր: Աննան որեւէ կերպ չէր մեկնաբանել այդ լուսանկարը: 