Օգոստոսի 18-ին ծնվել է ամերիկացի հայտնի դերասան Պատրիկ Սուեյզին: Հոլիվուդյան սեքս-խորհրդանիշն այսօր կդառնար 66 տարեկան:
Սուեյզին մի շարք ֆիլմերում է նկարահանվել, որտեղ հիմնականում կերտել է ուժեղ եւ ռոմանտիկ տղամարդկանց: Իր կարիերայի ընթացքում նա երեք անգամ արժանացել է «Ոսկե Գլոբուս» մրցանակի, իսկ 1991 թ-ին People ամսագիրը նրան անվանել է «Աշխարհի ամենասեքսուալ տղամարդ»:
Հմայիչ ու տաղանդավոր դերասանը դեռ շատ դերեր կարող էր կերտել, եթե նրա կյանքը չխլեր չարաբաստիկ հիվանդությունը՝ քաղցկեղը: Սուեյզիի հիվանդության լուրը հայտնի դարձավ 2008 թ-ին: Մեկ տարի շարունակ դերասանը, չկորցնելով հույսն ու հավատը, պայքարում էր դաժան հիվանդության դեմ, սակայն 2009 թ-ին Պատրիկը տեղափոխվեց հիվանդանոց: Նույն թվականի սեպտեմբերին դերասանը հեռացավ կյանքից...
Մարտահրավերներից չվախեցող, անսահման հույսի եւ լավատեսության տեր դերասանի մասնակցությամբ ֆիլմերից մի քանիսն առաջարկում ենք դիտել այսօր.
«Կեղտոտ պարեր»/Dirty Dancing
«Ուրվականը»/Ghost
«Ճանապարհի եզրի տունը»/Road House
«Ալիքի վրա»/Point Break
«Համր եղիր»/Keeping Mum