Քիմ Քարդաշյանի հուզիչ գրառումը հոր՝ Ռոբերտ Քարդաշյանի մասին
20:45 20 օգոստոսի, 2018Հայազգի հեռուստաաստղը հաճախ է իր Instagram-յան հարթակն օգտագործում կրքոտ լուսանկարներ ներկայացնելու կամ իր սեփական արտադրանքն առաջ մղելու համար:
Երբեմն, սակայն, հայուհու էջում կարելի է հանդիպել ընտանեկան ջերմ լուսանկարների, նրա հոգին ու մտքերը բացահայտող տողերի:
Այս անգամ Քիմի story բաժինը թերթելով նկատեցինք մի գրություն, որն իսկապես ունակ է հուզել օգտատերերին: Նա մեկնաբանել է, թե ինչու է այդքան շատ սիրում թռչուններին:.jpg)
«Ես հավատում եմ, որ մեր կյանքում բազմաթիվ են հոգիների նշանները: Երբ հայրս քաղցկեղով հիվանդ էր, մենք նրա կողքին էինք, ու ես նրան ասացի՝ եթե մահանաս, նորից մեր աշխարհ ես գալու թռչնի կերպարով: Հետո մենք երթեւեկում էինք մայրուղով հենց նրա հուղարկավորումից առաջ ու նկատեցինք հարյուրավոր թռչուններից կազմված մի երամ: Բոլորը կանգ էին առել, քանի որ դա իսկապես խենթացնող տեսարան էր: Ես մտածեցի՝ ահա թե որտեղ ես դու» , - գրել է հայուհին:
Ավելի վաղ հեռուստաաստղը, ում համար իր ազգանունը ժամանակի ընթացքում այցեքարտ դարձավ, միկրոբլոգում հրապարակել էր լուսանկար, որում ինքնագիր էր բաժանում հավատարիմ երկրպագուներին: