Նյու Յորքում կայացած MTV VMA մրցանակաբաշխության միջոցառմանը, կարծես, սկանդալ չհաջորդեց: Չնայած առանց դրա միջոցառումները մի փոքր «անալի» են լինում:
Այնուամենայնիվ, Մադոննայի ելույթի մասին հնչեցին բազմաթիվ քննադատություններ: Պատճառն այն է, որ 60-ամյա երգչուհին իր երկարաշունչ ելույթի ընթացքում բավարար ուշադրության չարժանացրեց վերջերս կյանքից հեռացած երգչուհուն՝ 70-ամյա Արետա Ֆրանկլինին:
Վերջինիս անունը հնչեց ելույթի ընթացքում, սակայն դա քիչ է թվացել երկրպագուներին:
MTV–ն Մադոննային խնդրել էր հիշել Ֆրանկլինի մասին տարվա լավագույն տեսահոլովակի համար մրցանակի հանձնման պահին, սակայն երգչուհու ելույթը վերաբերվում էր միայն իրեն:
Մադոննան հիշատակել է Արետայի անունը միայն այն պահին, եր ասել է, որ ժամանակին կատարել է նրա՝ (You Make Me Feel Like A) Natural Woman երգն ու դա նրա կարիերային շատ է օգնել:
«Շնորհակալ եմ Արետա մեզ բոլորիս ոգեշնչելու համար: Հարգանք ու պատիվ թագուհուն», - ավարտել է ելույթը երգչուհին:
Օգտատերերը կարծիք են հայտնել, որ այդքանը քիչ էր ու իսկական խառնաշփոթ են սկսել համացանցում՝ մեղադրելով Մադոննային եսասիրության մեջ:
«Նա, ով կանչել է Մադոննային, որ վերջինս հարգի Արետայի հիշատակը, պետք է հենց հիմա հեռացվի աշխատանքից», - գրել է օգտատերերից մեկը:
«Մադոննան Արետայի մասին խոսելու փոխարեն միայն իր մասին էր խոսում», - գրել է մեկ ուրիշը:
«Չեմ հասկանում՝ ինչու են մարդիկ ծափահարում Մադոննային: Նա իր անձի մասին է խոսում, ոչ թե Արետայի», - արտահայտել է իր կարծիքը մեկ այլ հետեւորդ:
«Պետք չէր Մադոննային վստահել Արետայի մասին ելույթը» , - նշվել է մեկնաբանություններում:
Աղբյուրը՝ Daily Mail