«Մեզ մոտ նույնիսկ շատրվաններն են սիրում System of a Down». Գարիկ Մարտիրոսյանը ցուցադրել է Հանրապետության հրապարակի շատրվանները
15:11 10 սեպտեմբերի, 2018Գարիկ Մարտիրոսյանն այժմ գտնվում է Երեւանում, որտեղ նկաևահանող խմբի հետ միասին պատրաստվում է Comedy club փառատոնի անցկացմանը: Հայ շոումենն իր Instagram-ում տեսանյութ է հրապարակել, որում Հանրապետության հրապարակի երգող շատրվաններն են պատկերված:
View this post on Instagram
«Chop Suey երգի հնչյունների ներքո պարող երեւանյան շատրվանները: Մեզ մոտ նույնիսկ շատրվաններն են սիրում System of a Down», - մեկնաբանել է լուսանկարը Մարտիրոսյանը:
Ավելի վաղ Գարիկ Մարտիրոսյանը NEWS.am STYLE-ի հետ զրուցել է սպասվող միջոցառման մասին:
«Մեր սիրելի Երեւանը դառնում է 2800 տարեկան: Մենք շատ ենք ուզում ներգրավված լինել այդ տոնին եւ գտնում ենք, որ Comedy Club-ի հերթական փառատոնի եւ նկարահանումների համար ավելի լավ վայր եւ առիթ պարզապես չենք գտնի: Իսկ երկրորդ, Հայաստանն ու հայերը վաղուց են հայտնի իրենց հումորի ավանդույթներով, եւ իհարկե վաղուց է հասունացել Comedy Club-ի կողմից Երեւանում ուրախ տոն անցկացնելու անհրաժեշտությունը: Երրորդ, եթե ամեն ինչ լավ անցնի (ես վստահ եմ դրանում), այն կարող է դառնալ բարի ավանդույթ եւ այդ ժամանակ Comedy Club-ը ամեն աշուն նկարահանումներով կժամանի Երեւան», - հայտարարել է հումորիստ-շոումենը: