«Ես ոչնչից չեմ վախենում». Փոլ Ուոքերն այսօր կդառնար 45 տարեկան
17:03 12 սեպտեմբերի, 20181973 թ-ի սեպտեմբերի 12-ին ծնվել է հոլիվուդյան հայտնի դերասան, «Ֆորսաժ» ֆիլմի աստղ Փոլ Ուոքերը։ Ամերիկացի դերասանն այսօր կդառնար 45 տարեկան…
Դերասանը մահացել է 2013 թ-ի նոյեմբերի 30-ին՝ ավտոպատահարի հետևանքով։ Փոլն այդ օրը վերադառնում էր բարեգործական միջոցառումից։
«Հրեշը՝ պահարանում» ֆիլմը դերասանի մասնակցությամբ առաջին կինոնկարն է եղել։ Այն նկարահանվել է 1983 թ-ին, երբ Ուոքերը 10 տարեկան էր։
Դերասանին մինչ օրս հիշում են՝ դիտելով նրա ֆիլմերը՝ «Ֆորսաժ», «Բարի գալուստ դրախտ», «Ժամանակի թակարդում», «Ամերիկյան պատմություն» և այլն:
Ձեր ուշադրությանն ենք ներկայացնում Փոլ Ուոքերի հայտնի մեջբերումներից մի քանիսը.
«Եթե մի օր արագությունն ինձ սպանի, լաց չլինեք, որովհետեւ ես այդ պահին հաստատ ժպտում էի»:
«Իմ կարծիքով՝ եթե մարդ չի սիրում զվարճանալ, ուրեմն ընդհանրապես չպետք է փորձի դա անել»:
«Ես այն մարդկանցից եմ, որոնք կարծում են, որ ինչ-ինչ բաներ պատահում են ճիշտ ժամանակին»:
«Ես կարողանում եմ երբեմն շատ սառը լինել, սառը դատել, ու այդ ժամանակ ամեն ինչ իր տեղն է ընկնում»:
«Ես խելագարվում եմ ավտոմեքենաների համար: Մի մեծ ավտոտնակ ունեմ՝ լի մեքենաներով»:
«Ինձ չի հետաքրքրում, թե ինչ կա կյանքում: Պետք է լսել սրտին: Երբ դու լսում ես նրան, կապ չունի, թե ինչ հարցում, դու միշտ հաղթում ես»:
«Ֆուտբոլն իմ սպորտաձեւն էր... ես շատ արագ էի, ազատ պաշտպան էի»:
«Եթե երկար ժամանակ անցկացնեք մեզ՝ տղամարդկանց հետ, կհասկանաք, որ մենք դեռ փոքրիկ տղաներ ենք»:
«Ես մի տեղ կարդացել եմ, որ եթե դու հավատում ես բարուն, ուրեմն պետք է հավատաս նաեւ չարին: Ես իմ սրտով եմ չափում ամեն ինչ»:
«Ես ոչնչից չեմ վախենում. այդպիսին եմ ես»:
Լուսանկարները՝ Facebook-ից