Հանրությանը սերիալներից հայտնի դարձած երիտասարդ դերասանուհի Էլեն Ասատրյանն Instagram-ի իր էջի 80.3 հազար հետեւորդներին հաճախ ուրախացնում է նոր ու գայթակղիչ լուսանկարներով, իր ոճային, ինչու չէ նաեւ համարձակ կերպարներով:
Միկրոբլոգի իր էջում հրապարակված նոր լուսանկարում երիտասարդ դերասանուհին ներկայացել է մարմնագույն, մեջքը բաց, երեկոյան զգեստով, որն ընդգծել է նրա գեղեցիկ կազմվածքը: Գայթակղիչ լուսանկարին կից նա կատարել է հետեւյալ գրառումը. «Մեծագույն ուղեղները քննարկում են մտքերը, միջին ուղեղները՝ իրադարձությունները, իսկ փոքր ուղեղները քննարկում են մարդկանց»:
Նշենք, որ ավելի վաղ դերասանուհին միկրոբլոգի իր էջում հրապարակված լուսանկարում երիտասարդ դերասանուհին ներկայացել էր սեւ, ուլտրակարճ զգեստով, որն ընդգծել էր նրա սլացիկ ոտքերը: Էլենի կերպարը լրացնում էին նրա սեւ բարձրակրունկները: Գայթակղիչ լուսանկարին կից նա կատարել էր հետեւյալ գրառումը.
«Մեր թևերն ամենահարազատ ձեռքերն են ջարդուփշուր արել: Բարձրացրել, հասցրել ամպերին ու բաց թողել առանց նախազգուշացման:
Մեզ ծնկի է բերել անտարբերությունը հենց նրանց, ովքեր ժամանակին համբուրել են մեր վերքերը:
Մենք փորձել ենք փնտրել մեր սխալներն այնտեղ, ուր թերացել են միայն իրենք: Ու ներել ենք անգամ այնտեղ, ուր մեզ հաստատ նույնը չէր ներվի: Մեզ կշտամբել են ճիշտ այնքան, որքան պետք էր գնահատել:
Մեր երազանքները թաղվել են այն հողում, որում ծիլ են տվել առաջին մեր հույսերը, որում ծնվել է, գուցե, առաջին մեր սերը:
Մենք տվել ենք ավելին, քան ստացել ենք, ու զարմանալիորեն շատերիս դա հերիքել է…»: