Այսօր «Ազնավուր» կենտրոնում բացվեց սգո մատյան` ի հիշատակ «Ազնավուր» հիմնադրամի համահիմնադիր, աշխարհահռչակ շանսոնյե Շառլ Ազնավուրի:
Լեգենդար երաժիշտի երկրպագուները, նրա արվեստի սիրահարներն ու պաշտոնյաները մատյանում գրառումներ թողեցին` նվիրված Ազնավուրին:
«Նա մեծ արտիստ էր եւ ֆրանսերենի մեծ սիրահար` ֆրանսերենի դեսպանն ամբողջ աշխարհում: Գալով Հայաստան`
ես հասկացա, որ նա մեր երկու երկրների դեսպանն է: Դժբախտաբար նա ներկա չի լինի Ֆրանկոֆոնիայի շաբաթին, բայց համոզված եմ` միջոցառումը նրան նվիրված կլինի»,-լրագրողների հետ զրույցում նշեց Հայաստանում Ֆրանսիայի դեսպան Ջոնաթան Լաքոթը:
NEWS.am STLYLE-ը մեծն շանսոնյեի հիշատակին նվիրված արարողությունը ներկայացնում է տեսանյութով:
Սյունե Առաքելյան