«Մարդիկ ինձ հետեւում են, ես չպետք է հիմարություններ անեմ». Բրունո Մարսը նշում է 33-ամյակը (ֆոտո/վիդեո)
13:15 8 հոկտեմբերի, 2018Այսօր՝ հոկտեմբերի 8-ին, ծննդյան տարեդարձն է նշում մեր օրերի ամենահիթաստեղծ ու սիրված երգիչներից մեկը՝ Բրունո Մարսը:
Փիթեր Ջեն Էրնանդես՝ հենց այս անունով է ծնվել տաղանդավոր երգիչը, որին բախտ վիճակվեց հասնել հայտնիության Բրունո Մարս կեղծանվամբ:
Երիտասարդ երաժիշտի առաջ հաջողությունը բացեց իր դռները, երբ Բրունոյին նկատեց Motown Records-ը: Դրանից հետո՝ 2009 թվականին, Բրունոն պայմանագիր կնքեց Atlantic Records-ի հետ:
Բրունո Մարսն աչքի է ընկնում ոչ միայն իր ձայնային տվյալներով եւ ճաշակով երգացանկով, այլեւ պարային հմտություններով, ինչի շնորհիվ նրա ցանկացած բեմադրություն վերածվում է շքեղ շոու ծրագրի:
Երաժիշտն արժանացել է մի շարք մրցանակների, այդ թվում՝ 4 «Գրեմմիի»:
2011 թ-ին Time պարբերականը նրան ներառել է «Աշխարհի ամենաազդեցիկ 100 մարդկանց ցուցակում»:
Հետաքրքիր երաժիշտի ամենահետաքրքիր մտքերից մի քանիսը ներկայացնում ենք ձեր ուշադրությանը:
«Չես կարող թակել բախտի դուռը, եթե դեռ պատրաստ չես»:
«Ես չեմ փորձում մռայլ լինել, պարզապես երբեմն առաջանում են բարդ հույզեր, որոնցից էլ ուզում ես կառչել»:
«Երբ երկրպագուներ ես ձեռք բերում, ձեւավորվում են նաեւ քեզ ատողները»:
«Կարծում եմ՝ հաջողությունը զվարճանքի մեջ է»:
«Ես ինձ լուրջ չեմ վերաբերվում, ես իմ երաժշտությանն եմ լրջորեն մոտենում»:
«Եթե ես միլիոնատեր լինեի, ես շատ խելացի կծախսեի իմ գումարը»:
«Անգամ փոքր տարիքում սա այն էր, ինչով ես ցանկանում էի զբաղվել՝ ես ցանկանում էի նվագել ու երգել»:
«Ես սովորել եմ մի բան՝ մարդիկ ինձ հետեւում են, այնպես որ՝ ես չպետք է հիմարություններ անեմ»:
«Ես սիրում եմ այնպիսի արտիստների, ինչպիսին, օրինակ, Prince-ն է, որոնք առեղծվածային տարրեր ունեն իրենց կերպարում»:
«Ես խելահեղ փարթիների սիրահար չեմ: Ինձ միայն պետք է մահճակալ եւ հեռուստացույց»:
Լուսանկարները՝ Բրունո Մարսի Facebook-ի էջից