Քիմ Քարդաշյանը քույրերին ծաղրածուներ է անվանել եւ քննադատել նրանց ոճը

16:29   8 հոկտեմբերի, 2018

Արդեն եթերում է հայտնվել Keeping Up with the Kardashians ռեալիթի շոուն, որում հերթական անգամ բորբոքվել են կրքերը։ 37-ամյա Քիմ Քարդաշյանը վիճել է քույրերի՝ 39-ամյա Քորթնիի եւ 34-ամյա Քլոեի հետ։ Դեռ փետրվարին, երբ Քլոեն հղի էր նրանք միասին ուղեւորվել են Ճապոնիա Yeezy ապրանքանիշի նկարահանումների համար, որը պատկանում է 41-ամյա ռեփեր՝ Քիմ Քարդաշյանի ամուսին Քանյե Ուեսթին։ Քույրերը պետք է օգնեին ՔԻմին, որպեսզի նա նկարահաներ 20 նորաձեւ լուքեր՝ նոր հավաքածուի համար։ Սակայն, Քիմը հայտարարել է, որ նրանց իր հետ վերցնելը լավ միտք չէր։

View this post on Instagram

A post shared by Khloé (@khloekardashian) on

Քիմին կատեգորիկ դուր չի եկել Քորթնիի եւ Քլոեի նորաձեւ կերպարները։

Ինձ համար տհաճ են քույրերիս հանդերձանքները, որոնք բացարձակապես չէին համընկնում իմ լուքերի հետ։ Դրանցով նրանք ասես ծաղրածուներ լինեն։ Քորթնին՝ ճապոնական Քլոեն արծաթափայլ հանդերձանքով միանգամայն փչացրել են իմ տեսքը, - ասել  Քիմը ռեալիթի շոուի ժամանակ։

Քարդաշյանը խոստովանել է, որ շատ մեծ պատասխանատվությամբ է վերաբերում իր ամուսնու նորաձեւության տան գովազդային ընկերությանը եւ չի կարող թույլ տալ, որպեսզի իր քույրերն այդ լուսանկարներում այնպիսի տեսք ունենան, ասես նրանք ընտրել են Հոլոուինի խենթ կերպարներ։

Քորթնին եւ Քլոեն վիրավորվել են Քիմի խոսքերից եւ ասել են, որ նա դա կորող էր անել ավելի մեղմ ձեւով։

Եթե դուք չեք կարողանում քննադատությունները տանել, ապա դուք չպետք է մեկնեք ճամփորդության։ Ինչու՞ ես պետք է լռեմ, եթե դուք իրականում ծաղրածուների տեսք ունեիք, - հայտարարել է Քիմը։

Քիչ ավելի ուշ հայուհին հանգստացել է եւ ընդունելով իր սխալը համաձայնել, որ իրականում շատ կոպիտ է գտնվել, երբ քույրերին ներկայացրել է իր դժգոհությունը։ Ի վերջո Քորթնին եւ Քլոեն լսել են Քիմին եւ կարողացել ենկարճ ժամանակահատվածում ստեղծել եւ լուսանկարել 20 նորաձեւ լուք, որոնցից գոհ են մնացել Քիմն ու Քանյեն։



© NEWS.am STYLE