Նա կգերազանցի Կայա Գերբերին. Քեյթ Մոսի 16-ամյա դուստրը դարձել է Marc Jacobs-ի դեմքը
00:17 9 հոկտեմբերի, 2018Քեյթ Մոսի 16-ամյա դուստրը՝ Լիլա Մոսը, ստորագրել է իր առաջին մոդելային պայմանագիրը, այն էլ ոչ ավել, ոչ պակաս՝ Marc Jacobs Beauty-ի հետ: Մոդելը դարձել է ապրանքանիշի նոր գովազդային դեմքը:
PR մասնագետ Միշա Ջոսլինը կանխատեսում է, որ տվյալ քայլերով աշխարհահռչակ մոդելի դուստրը մինչեւ 18 տարեկանն արդեն կդառնա միլիոնատեր:
Մոսի եւ խմբագիր Ջեֆերսոն Հեքի դուստրը նախկինում խուսափել է հանրային ուշադրությունից, նա միայն 13 տարեկանում է մայրիկի հետ լուսանկարվել իտալական Vogue-ի համար:
«Լիլան կարող է օգտագործել Քեյթի պահանջարկն ու հարթել սեփական մոդելային ուղին, իսկ Քեյթն էլ իր հերթին դստեր երիտասարդությունն օգտագործելով կարող է նոր փուլ ստեղծել իր կարիերայում»,-նշել է Միշան:
Աղբյուրը՝ Daily Mail
Լուսանկարները՝ Richard Young/Rex/Shutterstock, Marc Jackobs/Instagram