Այսօր՝ հոկտեմբերի 12-ին, իր ծննդյան տարեդարձն է նշում հոլիվուդյան աստղ Հյու Ջեքմանը, որն առավել հայտնի է Ռոսոմախայի կերպարով: Ավստրալացի դերասանը դարձավ 50 տարեկան:
Դերասանի կարիերայում հատկանշական էր «Գերուհիները» ֆիլմում նկարահանվելը, որից հետո նա միանգամից ճանաչում ձեռք բերեց:
Հյու Ջեքմանը իր ոլորտում մի շարք մրցանակների է արժանացել, այդ թվում՝ «Ոսկե Գլոբուս», «Թոնի», «Էմմի», եղել է նաեւ «Օսկարի» նոմինանտ:
Ջեքմանը նկարահանվել է մի շարք ֆիլմերում՝ կերտելով ամենատարբեր կերպարների, դրանցից են, օրինակ, «Քեյթն ու Լեոն», «Լոգանը», «Իքս մարդիկ», «Լքյալները» եւ այլն:
Ձեր ուշադրությանն ենք ներկայացնում դերասանի արտահայտած հայտնի մտքերից մի քանիսը.
«Ինձ համար աշխարհի անենագերազանց ստեղծագործություններից մեկը սուրճի թարմ բուրմունքն է»:
«Կյանքում գալիս է մի պահ, երբ դադարում ես մեղադրել մարդկանց քեզ հետ պատահած դժբախտությունների համար»:
«Ես իմ հոգին կծախեմ բարիքի համար»:
«Ես միշտ զգացել եմ, որ երբ փախչում ես վախից, դրա հոգին միշտ քեզ ուղեկցում է»:
«Ես սիրում եմ մրցակցությունն ու սիրում եմ հաղթել»:
«Որքան մեծանում ես, այնքան ավելի է մեծանում սերդ դեպի ծնողներդ: Հիմա ես նրանց երկուսին սիրում եմ առավել, քան երբեւէ»:
«Եթե ծնվեի մեկ այլ աշխարհում, մեկ այլ կյանք կվարեի, միգուցե դառնայի պարող»:
«Դերասանությունը մի բան է, որը ես շատ եմ սիրում, դա արվեստ է, որը ես հարգում եմ, բայց չեմ կարծում՝ այն ավելի կարեւոր է, քան, օրինակ, 8-ամյա մի երեխայի սովորեցնելը: Ես փորձում եմ այն չկարեւորել ավելին, քան այն կա»:
«Ես խելագարվում եմ սպորտի համար: Իմ ներկայությամբ չեք կարող սպորտի վերաբերյալ որեւէ վատ բան ասել»:
«Կինը միշտ ճիշտ է: Սա շատ պարզ օրենք է: Կարծում եմ՝ մի օր այս խոսքերը դաջելու եմ ճակատիս»:
Լուսանկարները՝ Հյու Ջեքմանի Facebook-ի էջից