Եղիսաբեթ Երկրորդի 27-ամյա թոռնուհին՝ Յորքի արքայադուստր Եվգենյան ամուսնացավ 32-ամյա Ջեք Բրուկսբենկի հետ, ում հետ նա արդեն յոթ տարի է, ինչ հանդիպում է:
Այս տարվա՝ թագավորական ընտանիքի թվով երկրորդ պսակադրությունը չէր կարող չհամախմբել ԶԼՄ-ներին ու բոլոր նրանց, ովքեր սիրում են մատը պահել համաշխարհային թոհուբոհի զարկերակին:
Ինչպես եւ Մեգան Մարքլը, Ջեքը նույնպես չի կարող հպարտանալ արքայական արյամբ, նա ծվել ու մեծացել է հաշվապահների ընտանիքում: Այնուամենայնիվ, նրա նախնիները ունեն որոշակի կապ արքայական ընտանիքի հետ՝ նրանք տիտղոսակիր պալատականներ են եղել:
Այժմ մի փոքր Եվգենյայի հարսանեկան զգեստի մասին. Կարծես թե արդեն ավանդույթ է դարձել, որ արքայական ընտանիքի գեղեցկուհիները պետք է խորանին մոտենան մինիմալիստական, հասարակ, բայց միեւնույն ժամանակ շքեղ զգեստներով:
Արքայադուստրը իր հասարակ ու մեղմ կերպարին շքեղություն էր հաղորդել շքեղ թագի միջոցով: Նրա վարսերը խնամքով հավաքված են եղել, իսկ դիմահարդարումը՝ համեստ: Նրբաճաշակ ու մոտ 5000 դոլարանոց զգեստի մեքջի բացվածքը էլ ավելի է նրբացրել արքայադստեր տեսքը:
Նորապսակները հրավիրել էին ավելի քան 850 պալատականների, ազգականների ու ընկերների, մոտ 150 հոգով գերազանցելով արքայազն Հարրիի ու Մեգան Մարքլի հյուրերի ցուցակը:
Հատկանշական է, որ անվտանգության համակարգի անխափան գործունեության համար զույգը վճարել է մոտ 2 մլն. դոլար:
Հրավիրյալների ցանկում եղել են այնպիսի դեմքեր, ինչպիսիք են սուպերմոդել Նաոմի Քեմփբելը, Լիվ Թեյլորը, Էլլի Գոլդինգը, Դեմի Մուրը, Ջեյմս Բլանտը, Քեյթ Մոսը, Կառա Դելեւինը եւ այլք:
Աղբյուրը՝ Daily Mail
Լուսանկարները՝ PA, Getty