«Եվրատեսիլ-2019»․ Բուլղարիան հրաժարվել է մասնակցել մրցույթին

19:10   15 հոկտեմբերի, 2018

Բուլղարիան հրաժարվել է մասնակցել «Եվրատեսիլ-2019» երգի մրցույթին, որը տեղի կունենա Իսրայելում եկող տարվա մայիսին, հայտնում է БНТ հեռուտաընկերությունը։

Այս քայլին կազմակերպիչ-հեռուստաընկերությունը գնացել է ծախսերի սղության պատճառով։

Ավելի վաղ հայտնի են դարձել «Եվրատեսիլ-2019» երգի մրցույթի անցկացման վայրն ու ամսաթիվը: Ինչպես հայտնում է մրցույթի կայքը, միջոցառումը տեղի կունենա Թել Ավիվում: Մրցույթի կազմակերպիչները որոշել են, որ այդ քաղաքը երաժշտական միջոցառման անցկացման համար կապահովի ամենալավ պաշտպանությունը:

«64-րդ «Եվրատեսիլ» երգի մրցույթը տեղի կունենա Տել Ավիվի տոնավաճների կենտրոնում, Թել Ավիվում երեքշաբթի 14, հինգշաբթի՝ 16 եւ շաբաթ՝ մայիսի 18-ին», - հայտնել են մրցույթի կազմակերպիչի մամուլի ծառայությունից:

Հիշեցնենք, որ Իսրայելը ստացել է «Եվրատեսիլ-2019» երգի մրցույթի անցկացման իրավունքն այն բանից հետո, երբ երկրի ներկայացուցիչ՝ Նետտա Բարզիլայը հաղթեց 2018թ.-ին, որն անցկացվում էր Պորտուգալիայում: Իսրայելի վարչապետ Բինյամին Նետանյախուն ավելի վաղ հայտնել էր, որ միջոցառումը տեղի կունենա Երուսաղեմում: Մի քանի երկիր առաջարկել էին բոյկոտել այն, քանի դեռ նրանք շարունակում են վարել իրենց տեւական, ահասարսուռ քաղաքականությունն ուղղված մարդու իրավունքների դեմ Պաղեստինում:



© NEWS.am STYLE