«Կործանիչ կինը» ֆիլմի թրեյլերը հայտնվել է Annapurna Pictures ընկերության յութուբյան պաշտոնական ալիքում: Գլխավոր դերը բաժին է հասել Նիկոլ Քիդմանին, որից բացի ֆիլմում նկարահանվել են նաեւ Թոբի Հասսը, Թոբի Քեբելլը, Տատյանա Մասլանին:
Ֆիլմը պատմում է դետեկտիվ Էրին Բելլի մասին, որը թափանցում է Լոս Անջելեսի հանցագործների խումբ: Հանցագործություններից մեկն ընթանում է ոչ ըստ ծրագրվածի եւ ավարտվում է ողբերգությամբ: Տարիներ անց անցյալի այդ իրողությունը Էրնիին ստիպում է պատերազմի մեջ մտնել:
Քիդմանը հանուն ֆիլմի դավաճանել է իր՝ շիկահերի կերպարին ու նույնիսկ զոհաբերել է գեղեցկությունը:
Ֆիլմի պրեմիերան ավելի վաղ կայացել է Տորոնտոյի փառատոնին ու ֆիլմը կինոքննադատների կողմից արժանացել է հավանության: