Քիմ Քարդաշյանը պատմել է, թե ինչպես է Քանյե Ուեսթը փոխել իր կյանքը

Քիմ Քարդաշյանը Ալեք Բոլդուինի The Alec Baldwin Show-ի հյուրն է եղել, որի ընթացքում պատմել է Քանյե Ուեսթի հետ ամուսնության մասին։ Հիշեցնենք, որ ամուսինները հանդիսանում են հնգամյա Նորթի, 2 տարեկան Սեյնթի եւ ութ ամսեկան Չիկագոյի ծնողնեչը, որը ծնվել է փոխնակ մոև օգնությամբ։

37-ամյա ռեալիթի շոուի աստղը նշել է, որ սկսել է մտածել այն մասին, որ իր անձնական կյանքը թաքցնի հասարակությունից Քանյե Ուեսթի շնորհիվ ։

«Քանյեն ինձ շատ բան է սովորեցրել։ Առաջ, մինչ իրեն հանդիպելը, ես նկարահանումներից հետո ինձ հարցնում էի, թե ուր կարելի է գնալ․ Որտե՞ղ է Հոլիվուդի ամենալավ ռեստորանը։ Որտե՞ղ են զվարճանում աստղերը։ Ի՞նչ են նրանք այնտեղ անում։ Որտե՞ղ ես հայտնվեմ։

Սակայն, երբ հանդիպեցի Քանյեին, ամեն ինչ փոխվեց։ Նա ինձ ասաց, որ չի կարելի ցուցադրել ամեն ինչ։ Այն ամենն ինչ կապված է աշխատանքի հետ պետք է լինի հանրային, իսկ այն ամենն ինչ կապված է անձնական կյանքի մասին՝ պետք է լինի քոնը։

Նա ասաց, որ պետք է գնահատել անձնական ազատությունը եւ այն պահպանել յոթ կողպեքների ներքո։ Քանյեն նույնպես հետեւում է այս կանոնին, իր աշխատանքը հանրային է, իսկ այն ամենն ինչ աշխատանքին չի վերաբերում դա իր անձնականն է եւ նա փայփայում է այն։ Ես սկսեցի հետեւել նրա օրինակին, չնայած ժամանակին ինձ թվում էր, որ հանրային պետք է լինի ամեն ինչ, որպեսզի հետաքրքրես հեռուստադիտողին, սակայն ես սխալվում էի։ Այժմ ես ցանկանում եմ ունենալ այն սահմանները, այն գաղտնիությունը, որը ոչ ոք չի խախտում։

Այժմ իմ եւ Քանյեի մոտ մշտապես հարց է ծագում, ուր գնալ հանգստանալու, որպեսզի մեզ ոչ ոք չտեսնի։ Քանյեն ինձ վրա մեծ ազդեցություն է ունեցել։ Երբ նա հանրության առջեւ ելույթ է ունենում, անում է այս կամ այն հայտարարությունը, ես հաճախ համաձայն չեմ լինում նրա հետ, սակայն հետո մենք քննարկում ենք երկուսով», - պատմել է Քիմը։

Աղբյուրը՝ Daily Mail

Լուսանկարները՝ ABC