Կենդանակերպի ամենաժլատ նշանները

Աղեղնավորների հանդեպ որեւէ պահանջ չկա: Նրանք Կենդանակերպի նշանների ամենաառատաձեռն ներկայացուցիչներն են: Նրանց հետ նույնիսկ անօգուտ է պայքարել, քանի որ, միեւնույն է, կգտնեն՝ ում օգնեն. ե՛ւ քաղցածներին կկերակրեն, ե՛ւ աղքատին ապաստան կտան: Աղեղնավորները սիրում են հովանավորել եւ օգնել, իհարկե՝ ոչ հենց այնպես, այլ ժպիտի եւ անկեղծ «շնորհակալության» դիմաց: Թերեւս սա է պատճառը, որ փողերը սիրում են Աղեղնավորներին եւ ձգտում են հայտնվել նրանց ձեռքում:

Ցանկի վերջում են հայտնվել նաեւ Ջրհոսները: Նրանք ոչ միայն մեծահոգի են ուրիշների հանդեպ, այլեւ իսկական մսխող են: Նրանք փորձում են մշտապես ուրախացնել սիրելի հարազատներին, մտերիմ ընկերներին ու գործընկերներին: Նրանք շատ հոգատար են եւ ուշադիր: Միայն թեթեւ ակնարկեք ձեր երազանքի մասին, եւ Ջրհոսը, բնականաբար՝ ձեզանից գաղտնի, կվազի այն իրականացնելու:

Առյուծներին լավ ծանոթ են շքեղությունն ու հմայքը: Կենդանակերպի այս նշանի ներկայացուցիչները երբեք անուշադրության չեն մատնի մտերիմներին եւ նրանց թանկարժեք նվերներ կմատուցեն: Միայն ոչ այնքան լավ ծանոթ մարդիկ կարող են Առյուծներին ժլատ համարել: Առյուծները գնում են այն ամենը, ինչ փայլում է, շողում եւ հաճույք պատճառում իրենց: Նրանք հաճախ մտածում են, որ կարելի է գնել բոլորին եւ ամեն ինչ:

Շռայլ Խոյերը 9-րդ հորիզոնականում են: Կենդանակերպի այս նշանի ներկայացուցիչները առատաձեռն են, բայց պրակտիկ: Նրանք կարողանում են հեռանկարային ներդրում անել: Այլ կերպ ասած՝ նրանք ներդրում են անում միջանձնային հարաբերություններում: Եթե ձեր կյանքում ակտիվ Խոյ կա եւ ձեզ նվերներ է մատուցում, պարտք է տալիս, օգնում է ֆինանսապես, հավատացեք, որ ձեր մեջ պոտենցիալ թեկնածուի է տեսնում, որի հետ արդեն փոխշահավետ գործնական հարաբերություններ է կառուցում: Խոյը վերջին լուման կծախսի մեկի համար, եթե վստահ է, որ վաղ թե ուշ պետք կգաք իրեն:

Կշեռքներին համարձակորեն կարելի է առատաձեռն համարել, բայց մեկ ԲԱՅՑ կա. նրանք սիրում են ծախսել ուրիշի փողերը: Կշեռքները հաճույքով ձեզ համար Լուսնի վրա տարածք կգտնի, եթե միայն հովանավոր գտնի: Կշեռքներն առանց դժվարության գումար են խնդրում ծնողներից, ընկերներից, սիրելիից կամ հարեւանից իրենց ժամանցի համար: Կարեւորը, որը հետո ստիպված չլինեն վերադարձնել:

Կարիճների համար առատաձեռնությունը լավ լույսի ներքո ներկայացնելու հրաշալի հնարավորություն է: Կարեւորը ծանոթներն ըստ արժանվույն գնահատեն իրենց բյուջեն, նոր վերանորոգումը, շքեղ ինտերիերը, շահավետ աշխատանքը: Բայց հենց Կարիճները ֆինանսական խնդիրներ են ունենում, անմիջապես անհետանում են տեսադաշտից:

Երկվորյակները ոչ մի կերպ չեն կարողանում կողմնորոշվել՝ առատաձեռն են, թե՞ ժլատ: Կենդանակերպի այս նշանի ներկայացուցիչներին առատաձեռնության համար հանդիսատես է պետք, ցանկալի է՝ ծափերի ուղեկցությամբ: Եթե Երկվորյակից առանձին պարտքով գումար խնդրեք, կարող է մերժել, բայց օգնություն խնդրեք ուրիշների ներկայությամբ, եւ ձեզ կտա դրամապանակի ամբողջ պարունակությունը:

Ձկների պարագայում ամեն ինչ բարդ է: Նրանք կարող են ե՛ւ ժլատ, ե՛ւ առատաձեռն լինել: Իսկ պատճառը ոչ թե նրանց ֆինանսական վիճակն է, այլ տրամադրությունը: Ընդ որում, անհնար է հասկանալ, թե երբ է նրանց տրամադրությունն «այսօր ես քեզ համար կգնեմ ամեն ինչ»-ի, իսկ երբ՝ «ոչինչ մի խնդրիր»-ի շարքից: Միաժամանակ, Ձկները հստակություն են սիրում: Այդ պատճառով նրանց պարզ ու հստակ բացատրեք ձեր ցանկությունը, եւ եթե գումար ունեն, վստահ եղեք, որ օգնություն կստանաք:

Ցուլերը պաշտում են, երբ իրենց համար են գումար ծախսում: Ընդ որում՝ ամենեւին չեն ամաչում դրանից: Նրանք հստակ մարտավարություն ունեն. մի քանի անգամ կարող են գումար ծախսել ձեզ համար, որպեսզի հետո առանց ամաչելու օգտագործեն ձեր բանկային քարտը: Սակայն եթե լուրջ ֆինանսական խնդիրներ ունեք, Ցուլերն անպայման օգնության կհասնեն, կպաշտպանեն եւ կվճարեն ձեր փոխարեն:

Խեցգետիններն ապրում են իրենց համար եւ գումար են ծախսում բացառապես անհրաժեշտ եւ իսկապես արժեքավոր բաների համար: Խեցգետինների համար առաջնահերթ են միայն տունն ու սեփական հարմարավետությունը: Այդ պատճառով նրանցից շքեղ նվերներ ակնկալել պետք չէ: Եթե Խեցգետնին առաջարկեք դնել օծանելիք կամ հեռուստացույց, նրանք կընտրեն վերջինը: Այդ պատճառով Խեցգետինների տունը շատ հարմարավետ է՝ նոր վերանորոգմամբ, տեխնոլոգիական վերջին նորույթներով:

Կույսերը փողերը քամուն չեն տալիս եւ անհարկի չեն բացում դրամապանակը: Բայց դա չի նշանակում, որ Կենդանակերպի այս նշանի ներկայացուցիչները շքեղ ու թանկարժեք իրեր չեն գնում: Գնում են, բայց միայն իրենց համար: Սակայն Կույսերը հեշտությամբ մանիպուլյացիայի են ենթարկվում, արդյունքում նրանցից մի քանի հազար պոկելն այնքան էլ դժվար չէ:

Ահա եւ հասանք Կենդանակերպի նշաններից ամենաժլատ եւ մանրախնդիր ներկայացուցչին: Առաջին տեղում Այծեղջյուրներն են, որոնք բացահայտ ժլատներ են: Նրանք պատրաստ են ծախսել բացառապես իրենց համար: Ընկերները, սիրելիներն ու հարազատներն առանց թանկարժեք նվերի կմնան: Նրանք երկար եւ համառորեն շրջում են խանութներում, նույնիսկ մի քանի դրամով էժան ապրանք գտնելու համար:

Աղբյուրը՝ Klibber.ua