Դերասանուհի Մարիամ Ադամյանը, որին այս շրջանում տեսնում ենք «Էլենի օրագիրը» հեռուստասերիալում, կտրուկ իմիջային փոփոխություն է կատարել:
Իր ինստագրամյան էջում Մարիամը նոր հայելային սելֆի է հրապարակել, որն ուշագրավ է հատկապես նրանով, որ առաջին հայացքից դժվար է ճանաչել դերասանուհուն: Նա ներկայացել է կարճ, սեւ մազերով ու մազափնջով:
Նոր սանրվածքն իհարկե շատ է սազում նրան, սակայն պետք է թույլ տալ այն հավանականությունը, որ գուցե սա կեղծամ է: Թեեւ դերասանուհին չի մեկնաբանել իր լուսանկարը, այդ բացը լրացրել են երկրպագու-օգտատերերը, որոնք զարմանքից բացի արտահայտել են նաեւ հիացմունք:
Հիշեցնենք, որ վերջերս դերասանուհին Facebook-ում կիսվել էր լուսանկարներով, որոնցում յուրահատուկ շրթներկով էր: Մարիամի մուգ մանուշակագույն շուրթերին սպիտակով գրված էր «դուխով»: