«Բրիգադա» սերիալի աստղին Մոսկվայում ծեծի են ենթարկել
17:03 1 նոյեմբերի, 2018«Բրիգադա» եւ «Խեղճ Նաստյա» սերիալների դերասան Դանիիլ Ստրախովին Մոսկվայում ծեծի են ենթարկել։ 42-ամյա դերասանը մեծաթիվ վնասվածքներ է ստացել այն բանից հետո, երբ նկատողություն է արել պատուհանի տակ ծխող մի խումբ երիտասարդների։
Ինչպես հայտնում է «Пятый канал»-ը, Դանիիլը դուրս է եկել փողոց, ինչից հետո լեզվակռիվը վերածվել է ծեծկռտուքի։ Դերասանի ծեծի ենթարկած երիտասարդները հեռացել են, ինչից հետո էլ դերասանը կանչել է բժիշկներին եւ ոստիկանություն։ Այժմ հետախուզում է հայտարարված այդ երիտասարդների նկատմամբ։ Նրանց պատասխանատվության պետք է ենթարկեն՝ կախված Դանիիլի նվասվածքների լրջությունից։
Կռվից հետո Դանիիլ Ստրախովը հոսպիտալացվել է։