«Երբեք մի վհատվիր, ինչ-որ լավ բանի ավարտի պատճառով»․ Նազենի Հովհաննիսյան

Հեռուստահաղորդավարուհի, դերասանուհի, գեղեցկուհի Նազենի Հովհաննիսյանը միկրոբլոգի իր էջում ոչ միայն նոր դերերն ու նախագծերն է մշտապես ուշադրության կենտրոնում պահում, այլեւ իր յուրաքանչյուր նոր կերպարներն ու ոճային լուքերը: 

Նազենի Հովհաննիսյանն իր Instagram-ում նոր լուսանկար է հրապարակել, որում նա գտնվում է օդանավակայանում։ Հմայիչ հաղորդավարուհին իր տեղադրած լուսանկարում ոճային եւ աշնանային լուքով է։ Նա կրում է աշնանը համապատասխան հանդերձան եւ երկարաճիտ կոշիկներ։ Լուսանկարին կից Նազենի Հովհաննիսյանը խոսելով առանց վհատվելու առաջ շարժվելու մասին գրել է․

«Եվ նորից երկաթե թռչունն ինձ տանում է հեռու... Երբեք մի վհատվիր, ինչ- որ լավ բանի ավարտի պատճառով։ Գուցե նոր փորձություններն առավել կոփեն ու հստակեցնեն Ուղիդ, ավելի ամրացնեն քեզ ու մաղեն միջավայրդ, որը հաճախ ավելի խանգարում է,քան օգնում, ու կողքիդ է միայն, երբ դու ուժեղ ես ու հաջողակ)))) Դուրս «թռչել» հարմարավետության դաշտից ու սկսել սկզբից) ... Նորից։

Ու ոչ թե զրոյից, այլ արդեն ապրածիդ ու իմաստության բարձունքից..)) Հ.Գ. ասում եմ... ինչպե՞ս հավատալ ինքդ քեզ, ինչպե՞ս հաղթահարել Չհաջողելու վախերը կամ չընկճվել։ Վստահ եմ, որ դուք էլ ձեր բանաձևն ունեք. կկիսվեք՞»։

Նշենք որ ավելի վաղ հաղորդավարուհին իր Instagram-ում համարձակ լուսանկար էր հրապարակել, որում միկրոբլոգի իր հետեւորդներին ներկայացել էր լողազգեստով, որի վրայից կրում էր մինչեւ ծնկները հասնող վերնազգեստ։

Գայթակղիչ լուսանկարին կից գեղեցկուհին կատարել էր հետեւյալ մեկնաբանությունը․ «...և բոլորովին էլ էական չի, թե որքան է հասակդ)) կարևորը ՃԻՇՏ ռակուրսով ճիշտ լուսանկարողն է։ Հ.Գ. արևային ՊՐԻՎԵՏ!!!!! Իսկ ո՞րն է ըստ ձեզ ամենից «հարմար» կամ «գեղեցիկ» հասակը՝ կնոջ համար))»։