Օլգա Բուզովայի մոտ արթնացել է մայրական բնազդը
13:13 4 նոյեմբերի, 2018Ամեն ինչ փոքրիկ Սոնյայի տեսանյութից է ի հայտ եկել, ով ցանկանում էր ծանոթանալ իր կուռքի հետ։ Սկզբում նա հուզիչ պար է պարել Օլգայի հետ, իսկ հետո հանդիսավոր հանձնել է նվերներ․ նամակ, երկու խաղալիք արջուկ եւ փայլերով նոթատետր։ «Այստեղ կգրես քո գաղտնիքները», - ասել է աղջիկը։ Երգչուհին գրկել է նրան եւ չի ցանկացել բաժանվել։ «Կարելի՞ է ես նրան ինձ հետ տանեմ», - Բուզովան ծիծաղելով հարցրել է նրա ծնողներին։ Տեսանյութը շատ մեկնաբանությունների է արժանացել, որոնցում երկրպագուները Օլյային կանացի երջանկություն են մաղթել։ Այն հարցին, թե չի մտածում արդյոք Օլգան երեխաների մասին, երգչուհին պատասխանել է․ «Շատ վազուց»։
View this post on Instagram
Նշենք, որ Բուզովայի անձնական կյանքը ոչ մի կերպ չի դասավորվում։ Վերջերս նա փորձել է տղամարդ գտնել «Замуж за Бузову» շոուի ժամանակ։ Սակայն, Դենիս Լեբեդեւը, ում ընտրել է հաղորդավարուհին եզրափակչում, խաբել է նրան։ Օլգա Բուզովան վարում է «Դոմ 2» ռեալիթի շոուն, ձայնագրում է երգեր եւ առաջ է տանում իր բիզնես նախագծերը։ Այդուհանդերձ նա միայնակ է, իսկ ծանրաբեռված օրվա ավարտին նրան տանը դիմավորում են շնիկները։