«ТНТ-ն ինձ չի ների, եթե հայը հաջորդ փուլ չանցնի». Պավել Վոլյա

Մեր հայրենակիցներ Ստեփանյանն ու Բաբայանն անցան «Танцы на ТНТ» շոուի հաջորդ փուլ:

Կարեն Ստեփանյանը՝ Մոսկվայից, լուրջ փորձություն անցավ «Танцы на ТНТ» հայտնի շոուի ընթացքում եւ հայտնվեց Եգոր Դրուժինինի թիմում:

Քասթինգին նա ներկայացել էր Ռոնին կեղծանվամբ, իսկ հրավիրված ժյուրիի անդամ Պավել Վոլյան, իմանալով, որ պարողը հայ է, կատակել է՝ նշելով, թե հայտնի հեռուստաալիքի ղեկավարությունն իրեն չի ների, եթե Կարենը չանցնի հաջորդ փուլ:

Իրականում, Ստեփանյանն իրոք հմայել է ժյուրիի բոլոր անդամներին իր հիփ-հոփ բեմադրությամբ, իսկ նախորդ փուլերի ընթացքում փայլել է նաեւ այլ ժանրերում, այնպես որ՝ Դրուժինինի թիմում նա, իսկապես, արժանի տեղ է զբաղեցրել:

Ի դեպ, մեր մյուս հայրենակիցը՝ գեղեցկուհի Վալերյա Բաբայանը եւս շարունակելու է պայքարը նախագծում, սակայն նա այսուհետ կպայքարի Տատյանա Դենիսովայի թիմում: Սա պարուհու երկրորդ փորձն է, որով նա հայտնվեց Դենիսովայի թիմում.

«Ես Տանյային հետեւում եմ բոլոր նախագծերի ընթացքում եւ վերջապես կլինեմ նրա թիմում»,-ТНТ-ի հետ զրույցում նշել է հայուհին:

Վալերյան պարում է վաղ հասակից, նա հանդես  գալիս տարբեր ժանրերում: Ինչ վերաբերում է հայտնի նախագծին՝ դրա հաղթողը պարզ կդառնա մինչեւ Ամանոր, իսկ պայքարն, իսկապես, թեժ է լինելու, քանի որ բացի Դրուժինինից եւ Դենիսովայից՝ պայքարի մեջ է նաեւ ժյուրիի մյուս անդամը՝ Միգելը, որն իր տաղանդով փայլում է ոչ միայն  Ռուսատանում, այլեւ դրա սահմաններից դուրս: