Չվաճառված տոմսեր, գռեհիկ պահվածք եւ ոչ կենդանի երգեցողություն. Իրինա Ալեգրովան այլեւս ոչ ոքի պետք չէ

13:17   8 նոյեմբերի, 2018

66-ամյա Իրինա Ալեգրովան հանդիսատես չի հավաքում, իսկ նրա համերգները չեղարկվում են նույնիսկ Ռուսաստանի հեռավոր շրջաններում։ Եվ, սա, կարծես թե, վերջն է։ 66-ամյա Իրինա Ալեգրովան հանդիսատես չի հավաքում, իսկ նրա համերգները չեղարկվում են։ Երգչուհուն չեն ցանկացել լսել Բելգորոդում, Կուրսկում, Օրյոլում։ Ինչպես հայտնում է «Դնի»–ն, ըստ առկա միտումների, նա այլեւս ոչ ոքի պետք չէ։

Բելգորոդում 66-ամյա Ալեգրովայի «Մոնո» ծրագիրը պետք է ներկայացվեր դեռ տարվա սկզբին։ Սակայն, տոմսերի նույնիսկ մեկ երրորդը, ինչպես հայտնում են, չի վաճառվել։ Արդյունքում ելույթը տեղափոխել են աշուն եւ ավելի քիչ հանդիսատես տեղավորող տարածք, իսկ տոմսերի գները նվազել են։ Սակայն  մարդիկ միեւնույնն է չեն գնացել։ Արդյունքում համերգն ընդհանրապես չի կայացել։ Պատճառները կարելի է հասկանալ՝ կարդալով վրդովված երկրպագուների գրառումները սոցիալական ցանցերի երգչուհու էջերում։

«Առաջին հերթին, պետք է հարգել սեփական երկրպագուներին եւ ծաղիկները համերգներին անձամբ վերցնել։ Երկրորդ, մարդկանց նկատմամբ  այդպիսի տգեղ պահվածք դահլիճում դեռ ոչ ոք չի տեսել։

Վիրավորական է նրանց համար, ովքեր ժամանակին չեն գնացել բեմի առաջ կամ խնդրել են «Իմպերատրիցա» եւ «Ուգոնշիցա» երգերը կատարել։ Կլռեցնի այնպես, որ նույնիսկ ես եմ ամաչում։ Չէ՞ որ մարդիկ քեզ սիրում են եւ տոմս ու ծաղիկներ են գնում», «Նա թքած ունի ամեն ինչի ու բոլորի վրա՝ գուսարական հանդերձանքը արդեն սերտաճել է նրա հետ, սակայն պաշտոնական կայքում երկրպագուների հարցերին այդպես էլ չի պատասխանել...

Որոշել է էլի փող կորզել, իսկ ահա մարդիկ չեն գնում, շրջագայությունը տապալվել է, «Մարդիկ դադարել են նրա համերգին գնալ, իսկ կազմակերպիչների առաջարկած 500 հազարի դիմաց նա չի ցանկանում գալ։ Տեսեք՝ Ագուտինի ու Վարումի մոտ միշտ անշլագ է եւ ոչ մի չեղարկում։ Քանի որ անմիջական են աշխատում, քանի որ ազնիվ են, եւ քանի որ մարդկայնորեն են վերաբերվում լուսանկարներին եւ ծաղիկներին»,–գրում են հետեւորդները։

Երկրապագուներին դուր չի գալիս թոշակառու երգչուհու գուսարական կամզոլը, որը նա չի հանում տարիներով։ Դուր չի գալիս նրա ոչ կենդանի կատարումները, իսկ կենդանի կատարումները շատ քչերն են լսել։ Դուր չի գալիս վեհանձնությունը, որով Ալեգրովան վերաբերվում է մարդկանց։ Նաեւ երգացանկը, որը վերջին տարիներին երգչուհին ընտրում է, միջակ որակի ոչ այն երգերն ու կերպարները, որոնք նրանից սպասում են։ Ահա եւ արդյունքը։ Ակնհայտ է, որ երգչուհու բեմական կարիերայի ավարտն է սա։



© NEWS.am STYLE